पोलीस होण्याचं स्वप्न… पण तिसऱ्याच फेरीत आयुष्य संपलं; पुण्यात भरतीदरम्यान देऊळगाव राजातील तरुणाचा मृत्यू

On: March 29, 2026 6:17 PM

Pune Police Bharti running test youth death incident

देऊळगाव राजा| २९ मार्च २०२६

पुणे पोलीस भरती प्रक्रियेदरम्यान एक धक्कादायक घटना समोर आली आहे. 1600 मीटर धावण्याच्या चाचणीदरम्यान देऊळगाव राजातील 23 वर्षीय तरुणाचा दुर्दैवी मृत्यू झाला. या घटनेमुळे संपूर्ण परिसरात हळहळ व्यक्त केली जात असून, चिंचोली बुरकुल गावात शोककळा पसरली आहे.

मिळालेल्या माहितीनुसार, पुण्यातील शिवाजीनगर मैदानावर सुरू असलेल्या पोलीस भरती प्रक्रियेत संबंधित तरुणाने दोन फेऱ्या यशस्वीरीत्या पूर्ण केल्या होत्या. मात्र तिसऱ्या फेरीत धावत असताना त्याला अचानक चक्कर आली आणि तो मैदानावर कोसळला.घटनास्थळी उपस्थित असलेल्या अधिकाऱ्यांनी आणि उमेदवारांनी तातडीने त्याला ससून रुग्णालयात दाखल केले. मात्र डॉक्टरांनी उपचारापूर्वीच त्याला मृत घोषित केले. प्राथमिक माहितीनुसार, त्याला ‘फिट’सारखा झटका आल्याची शक्यता वर्तवली जात आहे.

पोलीस होण्याचं स्वप्न डोळ्यांत साठवून दिवस-रात्र मेहनत करणाऱ्या या तरुणाचा असा दुर्दैवी अंत झाल्याने कुटुंबावर दुःखाचा डोंगर कोसळला आहे. तो आई-वडिलांचा एकुलता एक मुलगा होता. वडील गेल्या काही वर्षांपासून आजारी असून, कुटुंबाचा आधार असलेला मुलगाच हरपल्याने गावात हळहळ व्यक्त होत आहे.

या घटनेमुळे पोलीस भरती प्रक्रियेतील उमेदवारांच्या आरोग्य तपासणीबाबत प्रश्नचिन्ह उपस्थित होत आहे. प्रशासनाकडून या प्रकरणाची सखोल चौकशी होण्याची शक्यता आहे.

👉 Related News

📢 हे आवश्यक करा :

अशाच महत्वाच्या आणि अपडेट बातम्यांसाठी Kattanews.in ला भेट देत राहा.

Bharti Update,Breaking News,Chincholi Burkul News,Deulgaon Raja News,Latest News India,Maharashtra news,Marathi News,Police Bharti Death,Police Recruitment 2026,Pune news,Pune Police Bharti,Viral News Maharashtra,Youth Death Running

समाधान सरकटे

समाधान सरकटे हे सिंदखेडराजा येथील प्रतिनिधी असून महाराष्ट्र राज्यातील ग्रामीण भागातील सामाजिक, कृषी, प्रशासनिक व विकासात्मक घडामोडींचे राज्यस्तरावर वार्तांकन करतात. त्यांना ७ वर्षांचा पत्रकारितेचा अनुभव असून शेतकरी प्रश्न, ग्रामपंचायत, ग्रामीण विकास योजना व स्थानिक प्रशासनाशी संबंधित बातम्यांवर त्यांचा विशेष भर आहे. ग्रामीण वास्तव अचूकपणे मांडणाऱ्या त्यांच्या बातम्यांना वाचकांचा मोठा विश्वास आहे.