साखरखेर्डा | सिंदखेडराजा तालुका | बुलढाणा |२० फेब्रुवारी २०२६
छत्रपती शिवाजी महाराजांच्या ३९६ व्या जयंतीनिमित्त साखरखेर्डा येथे प्रतिभावान कवी तथा साहित्यिक अज़िम नवाज राही यांचा शिवसन्मान करून गौरव करण्यात आला. उर्दू मातृभाषा असूनही मराठी साहित्य क्षेत्रात केलेल्या उल्लेखनीय योगदानाबद्दल स्थानिक छत्रपती शिवराय जन्मोत्सव समितीच्या वतीने सन्मानपत्र, शाल, श्रीफळ व स्मृतिचिन्ह देऊन त्यांना सन्मानित करण्यात आले.
केवळ इयत्ता नववीपर्यंत शिक्षण घेतलेल्या राही यांच्या कविता आज अनेक विद्यापीठांच्या अभ्यासक्रमात समाविष्ट करण्यात आल्या आहेत. ते राज्यातील उत्कृष्ट निवेदकांपैकी एक मानले जातात आणि मराठी साहित्य क्षेत्रात त्यांचे मोठे नाव आहे.
उर्दू भाषिक असूनही मराठी भाषा वृद्धिंगत करण्यासाठी झोकून देऊन कार्य करणाऱ्या या साहित्यिकाचा शिवजयंती निमित्त गौरव करण्यात आल्याने परिसरात आनंदाचे वातावरण निर्माण झाले.
याप्रसंगी जन्मोत्सव समितीचे अध्यक्ष सुधाकर पऱ्हाड, कार्यकारी अध्यक्ष सुनील रिंढे, कोषाध्यक्ष अरूण देशमुख, जि.प.चे माजी उपाध्यक्ष रामभाऊ जाधव, उद्योजक गीताराम तायडे, मार्गदर्शक माजी प्राचार्य देविदास पांचाळ, राजू काटे, पवन जाधव, सोनू पवार आदींची उपस्थिती होती.
📌 Related News
- मित्रांसोबत पोहायला गेला… पण परतलाच नाही; खडकपूर्णा कालव्यात ५वीतील विद्यार्थ्याचा दुर्दैवी मृत्यू
- पांग्रीकाटे येथे शेतात अफू शेतीचा भांडाफोड! दीड कोटींचा माल जप्त; दोन आरोपी अटकेत
- सायबर पोलिसांची मोठी कारवाई! लोणार तालुक्यातील तरुणावर NCCRP तक्रार; सोशल मीडियावरील पोस्टमुळे खळबळ
👉 स्थानिक बातम्या, प्रेरणादायी व्यक्तिमत्त्वे आणि ताज्या घडामोडींसाठी भेट द्या:
www.Kattanews.in
