साखरखेर्डा | १७ फेब्रुवारी २०२६
पांग्रीकाटे येथे अफू शेती, पोलिस कारवाई आणि NDPS कायद्यांतर्गत गुन्हा नोंद अशी मोठी घटना उघडकीस आली आहे. पोलिसांच्या संयुक्त छाप्यात बेकायदेशीर अफू लागवड नष्ट करून तब्बल 1.32 कोटी रुपयांचा अफू साठा जप्त करण्यात आला असून दोन आरोपींना अटक करण्यात आली आहे. या कारवाईमुळे परिसरात खळबळ उडाली असून ड्रग्ज शेतीविरोधात प्रशासनाची कठोर भूमिका स्पष्ट झाली आहे.
संयुक्त पथकाने प्रत्यक्ष शेतात छापा टाकला असता भागवत सदाशिव काटे हे अफू पिकाला पाणी देताना आढळले. त्यांच्या शेतातून जप्त करण्यात आलेल्या अफूचे वजन १०७ किलो ६६० ग्रॅम असून बाजारमूल्य सुमारे ८६ लाख १२ हजार ८०० रुपये आहे.
तसेच विशाल रमेश काटे यांच्या शेतातून ५७ किलो ३२० ग्रॅम अफू जप्त करण्यात आली असून त्याची किंमत ४५ लाख ८५ हजार ६०० रुपये आहे. एकूण १६४ किलो ९८० ग्रॅम अफू जप्त करण्यात आली असून एकूण किंमत १ कोटी ३२ लाख ९८ हजार ४०० रुपये इतकी आहे.
ही कारवाई जिल्हा पोलीस अधीक्षक निलेश तांबे आणि अप्पर पोलीस अधीक्षक अमोल गायकवाड यांच्या मार्गदर्शनाखाली करण्यात आली. कारवाईत ठाणेदार गजानन करेवाड, ग्राम महसूल अधिकारी आनंद राजपूत, कृषी सहायक छबुलाल कोल्हे, पोलीस उपनिरीक्षक गणेश कड तसेच पोलिस व महसूल विभागाचे कर्मचारी सहभागी होते.
पोलीस उपनिरीक्षक गणेश कड यांच्या तक्रारीवरून आरोपींविरुद्ध NDPS कायद्यांतर्गत कलम ८(क) व १८(क) प्रमाणे गुन्हा दाखल करण्यात आला असून पुढील तपास साखरखेर्डा पोलीस करत आहेत.
हे पण वाचा..
- मागेल त्याला सोलारपंप योजनेचा बोजवारा! ऑनलाईन अर्जाच्या गोंधळात साखरखेर्ड्यात शेकडो शेतकऱ्यांचे लाखो रुपये अडकले
- रुग्ण सेवा करून परतताना काळाचा घाला! चिखलीजवळ भीषण अपघातात पत्रकार राजू सुरडकर ठार, तिघे जखमी
- खापरखेड रेती घाटावर नियमांना तिलांजली! पोकलॅंडच्या साह्याने अवैध उत्खनन; महसूल विभागाच्या भूमिकेवर संशय
👉 आपल्या परिसरातील ताज्या व विश्वासार्ह बातम्यांसाठी दररोज भेट द्या:
Kattanews.in
