देऊळगाव मही |३ फेब्रुवारी २०२६
तालुक्यातील डिग्रस बु येथे सुरू असलेल्या अवैध देशी दारू विक्रीमुळे संपूर्ण गावात संतापाची लाट उसळली आहे. या अवैध व्यवसायामुळे गावातील तरुण पिढी व्यसनाधीन होत असून, त्याचे गंभीर परिणाम समाजावर होत असल्याचे चित्र दिसून येत आहे.
या संशयित व्यक्तींवर यापूर्वीही अंढेरा पोलिस ठाणे तसेच स्थानिक गुन्हे शाखा (LCB) बुलढाणा येथे गुन्हे दाखल असल्याची माहिती अर्जात देण्यात आली आहे.
यामुळे संबंधित अवैध दारू विक्रेत्यांवर एम.पी.डी.ए. कायदा किंवा तडीपारी अंतर्गत कठोर कारवाई करण्याचा प्रस्ताव तात्काळ पाठवावा, अशी ठाम मागणी ग्रामपंचायत व तंटामुक्त समितीने केली आहे.
गावकऱ्यांनी अनेक वेळा ११२ क्रमांकावर फोन करून पोलिस प्रशासनाला माहिती दिली असल्याचेही निवेदनात स्पष्ट करण्यात आले आहे. मात्र, कारवाईच्या अभावामुळे नागरिकांमध्ये असुरक्षिततेची भावना निर्माण झाली आहे.
📢 Katta News आवाहन :
अवैध दारू विक्रीमुळे अनेक कुटुंबे उद्ध्वस्त होत आहेत. प्रशासनाने तात्काळ कठोर पावले उचलावीत, अशी अपेक्षा नागरिकांकडून व्यक्त होत आहे.
संबंधित बातम्या
