लोणार | दिनांक : २९ जानेवारी २०२६
लोणार सरोवरातील माँ कमळजा देवी मंदिराचा अनेक दिवसांपासून प्रलंबित असलेला प्रश्न अखेर मार्गी लागण्याची चिन्हे दिसू लागली आहेत.
नगराध्यक्षा सौ. मीराताई भूषण मापारी यांच्या पुढाकारामुळे हा महत्त्वाचा प्रश्न लवकरच सुटणार असून, पुरातत्त्व विभागाचे अधिकारी मलिक यांनी
दि. २८ जानेवारी रोजी नगराध्यक्षा सौ. मीराताई मापारी यांना याबाबत स्पष्ट आश्वासन दिले आहे.
योजनेनुसार लिफ्टच्या सहाय्याने सर्व आवश्यक साहित्य खाली नेण्यात येणार असून, माँ कमळजा देवी मंदिराची सखोल डागडुगी करण्यात येईल.
तसेच मंदिरामध्ये पाणी शिरू नये यासाठी मंदिरासमोर मजबूत संरक्षण भिंत उभारण्यात येणार आहे.
वन्यजीव विभागाच्या वतीने रामगया येथील पाणी लिफ्टद्वारे वर काढण्यात येणार असून, धारेचे पाणी सोडण्याबाबत आवश्यक परवानगी प्रक्रिया अंतिम टप्प्यात आहे.
सरोवरातील वाढत चाललेल्या पाण्याचा प्रश्न कायमस्वरूपी मार्गी लावण्यासाठी प्रशासनाने प्रक्रिया सुरू केली आहे.
या सर्व कामांमुळे येत्या ६ महिन्यांच्या आत माँ कमळजा देवी मंदिराची संरक्षण भिंत, डागडुगी पूर्ण करून भाविक भक्तांसाठी
पुन्हा दर्शन खुले करण्यात येणार आहे. त्यामुळे माँ कमळजा देवी सेवा संघासह संपूर्ण लोणार शहरातील नागरिकांमध्ये समाधान व्यक्त होत आहे.
यावेळी नगराध्यक्षा सौ. मीराताई मापारी, माजी नगराध्यक्ष भूषण मापारी, तहसीलदार भूषण पाटील, माँ कमळजा देवी सेवा संघाचे सर्व सदस्य
आणि सरोवर प्रेमी नागरिक मोठ्या संख्येने उपस्थित होते.
📌 संबंधित बातम्या
- बुलढाणा जिल्हाधिकारी कार्यालयाच्या पत्रानुसार 28 ते 30 जानेवारी राज्यात दुखवटा; शासकीय कार्यालयांना सूचना
- हे धाडस नाही, ही मजबुरी आहे! बाप आजारी म्हणून ई-पीक नोंदीसाठी १४ वर्षांचा मुलगा रात्री शेतात
- लोणार पर्यटन वाढीसाठी नवीन आराखडा
👉 आपल्या परिसरातील बातम्या, समस्या व कार्यक्रम प्रसिद्धीसाठी Kattanews.in शी संपर्क साधा.
