लोणार प्रतिनिधी| २ मार्च २०२६
लोणार तालुक्यातील येवती गावातील स्मशानभूमीत विजेच्या तारा धोकादायकरीत्या लोंबकळत असल्याचा गंभीर प्रकार समोर आला आहे. अंत्यसंस्कारासाठी मोठ्या संख्येने नागरिक येथे येत असताना या तारांमुळे अपघाताची भीती निर्माण झाली असून ग्रामस्थांमध्ये भीतीचे वातावरण पसरले आहे.
स्मशानभूमी परिसरात योग्य अंतरावर विद्युत खांब नसल्यामुळे तारा खाली झुकलेल्या अवस्थेत आहेत. विशेषतः अंत्यविधीच्या वेळी मोठी गर्दी होत असल्याने एखादा मोठा अपघात घडण्याची शक्यता नागरिक व्यक्त करत आहेत. काही ठिकाणी तारा अगदी डोक्याच्या उंचीपर्यंत खाली आल्याचेही दिसून येत आहे.
या गंभीर समस्येबाबत ग्रामस्थांनी वारंवार महावितरणकडे तक्रार करूनही अद्याप कोणतीही ठोस कारवाई करण्यात आलेली नसल्याची नाराजी व्यक्त होत आहे. “इतक्या गंभीर बाबीकडे दुर्लक्ष होत आहे, ही अत्यंत धोकादायक गोष्ट आहे,” असे स्थानिकांनी सांगितले.
दरम्यान, येवतीचे सरपंच रामेश्वर कायंदे यांनी या प्रश्नाकडे लक्ष वेधत तातडीने स्मशानभूमीत अतिरिक्त विद्युत खांब उभारून तारा योग्य उंचीवर नेण्याची मागणी केली आहे. “कोणताही अपघात होण्यापूर्वी प्रशासनाने तत्काळ उपाययोजना करावी,” असे त्यांनी स्पष्ट केले.
ग्रामस्थांच्या सुरक्षिततेच्या दृष्टीने संबंधित विभागाने या समस्येची तात्काळ दखल घेऊन आवश्यक ती दुरुस्ती करावी, अशी जोरदार मागणी होत आहे.
👉 Related News
- धक्कादायक! ९२ वर्षांच्या आजीला चाकूचा धाक दाखवून १३ लाखांची लूट; ३ महिन्यांपासून फरार ‘बाली’ अखेर अटकेत
- धक्कादायक आरोप! नाभिक समाजाला विधानभवनातही अपमान; आमदार सिद्धार्थ खरात यांनी उचलला आवाज
- पोलीस होण्याचं स्वप्न… पण तिसऱ्याच फेरीत आयुष्य संपलं; पुण्यात भरतीदरम्यान देऊळगाव राजातील तरुणाचा मृत्यू
👉 हे आवश्यक करा
अशाच ताज्या, स्थानिक आणि विश्वासार्ह बातम्यांसाठी Kattanews.in ला नियमित भेट द्या.
