कट्टा न्यूज नेटवर्क
शेंदुर्जन : वसंतराव नाईक विद्यालय शेंदुर्जन येथील सन 1995-96 च्या बॅचचा स्नेहसंमेलन सोहळा तब्बल तीन दशकांनंतर मोठ्या उत्साहात पार पडला. वसंतराव नाईक विद्यालय स्नेहसंमेलन हा केवळ कार्यक्रम न राहता मैत्री, आदर आणि आठवणींनी भरलेला भावनिक क्षण ठरला. वसंतराव नाईक विद्यालय 1995-96 बॅचचे विद्यार्थी पुन्हा एकत्र येताच शाळेच्या सुवर्ण आठवणींना उजाळा मिळाला.
कार्यक्रमाच्या अध्यक्षस्थानी शिक्षक तेजराव ठोसरे सर होते. दीप प्रज्वलनाने कार्यक्रमाची सुरुवात करण्यात आली. त्यानंतर सरस्वती पूजन तसेच छत्रपती शिवाजी महाराज, डॉ. बाबासाहेब आंबेडकर आणि राजमाता जिजाऊ यांच्या प्रतिमांना अभिवादन करण्यात आले.
या स्नेहसंमेलनात आयुष्याला दिशा देणाऱ्या गुरूंना विशेष सन्मान देण्यात आला. तेजराव ठोसरे सर, आर. के. वाघ सर, संतोषराव चेके सर, शाम बोंद्रे सर, सुधाकर गायकवाड सर यांच्यासह पत्रकार एस. पी. शिंगणे यांचा शाल व श्रीफळ देऊन सत्कार करण्यात आला.
कार्यक्रमादरम्यान प्रत्येक विद्यार्थ्याने आपला जीवनप्रवास, सध्याचे कार्यक्षेत्र आणि शाळेतील आठवणी मनोगताच्या माध्यमातून व्यक्त केल्या. अनेकांच्या डोळ्यांत आनंदाश्रू तर अनेकांच्या चेहऱ्यावर समाधान दिसून आले.
कार्यक्रमाचे प्रास्ताविक ह. भ. प. दामू अण्णा महाराज शिंगणे यांनी केले. सूत्रसंचालन पुरुषोत्तम सृष्टी यांनी तर आभार प्रदर्शन संजय चोपडे सर यांनी मानले.
हा सोहळा यशस्वी करण्यासाठी कैलास शिंगणे, विजय पुरी, संजय जोहरे, दीपक शिंगणे, गजानन नालेगावकर, सुनील परांडे, महेंद्र गवई यांच्यासह इतर माजी विद्यार्थ्यांनी विशेष परिश्रम घेतले.
📌 Kattanews.in – वाचकांसाठी खास
अशाच आपल्या परिसरातील प्रेरणादायी, सामाजिक आणि भावनिक बातम्या वाचण्यासाठी Kattanews.in ला दररोज भेट द्या. ही बातमी आवडल्यास शेअर करा.
📰 हे पण वाचा..
- अतिवृष्टीने उद्ध्वस्त शेती, कर्जाचा डोंगर; सिंदखेड राजा तालुक्यातील दुसरबीडमध्ये शेतकऱ्याची आत्महत्या.
- चारित्र्याच्या संशयातून राक्षसी कृत्य! मेहकरमध्ये झोपेत असलेल्या पत्नी व 4 वर्षांच्या चिमुकल्याचा कुऱ्हाडीने निर्घृण खून.
- अतिवृष्टीने उद्ध्वस्त शेती, कर्जाचा डोंगर; सिंदखेड राजा तालुक्यातील दुसरबीडमध्ये शेतकऱ्याची आत्महत्या.
