प्रा. दिलीप नाईकवाड | बुलढाणा
महाराष्ट्रातील स्थानिक स्वराज्य संस्थांच्या निवडणुकांचे निकाल जाहीर झाले असून
सिंदखेडराजा नगरपालिकेत राष्ट्रवादी शरद पवार गटाचा विजय आणि
देऊळगाव राजा नगरपालिकेत अजित पवार गटाची सरशी पाहायला मिळाली आहे.
या निवडणुकांकडे संपूर्ण जिल्ह्याचे लक्ष लागले होते.
सिंदखेडराजा नगरपालिकेत राष्ट्रवादी शरद पवार गटाचा विजय झाल्याने
राजकीय वर्तुळात चर्चांना उधाण आले आहे, तर
देऊळगाव राजा नगरपालिकेत अजित पवार गटाची सरशी ही विद्यमान आमदारांसाठी दिलासादायक ठरली आहे.
सिंदखेडराजा नगरपालिकेच्या नगराध्यक्षपदी राष्ट्रवादी काँग्रेस शरद पवार गटाचे
सौरभ तायडे यांनी बाजी मारली. अत्यंत चुरशीच्या लढतीत त्यांनी
१५८ मतांच्या फरकाने विजय मिळवला. या निकालामुळे माजी मंत्री
डॉ. राजेंद्र शिंगणे यांच्या गटाला मोठा राजकीय फायदा झाला आहे.
दुसरीकडे देऊळगाव राजा नगरपालिकेत राष्ट्रवादी अजित पवार गटाच्या
सौ. माधुरी तुषार शिपणे यांनी
२३१० मतांच्या मोठ्या फरकाने विजय मिळवला.
विद्यमान आमदार मनोज कायंदे यांच्या नेतृत्वाखालील राष्ट्रवादी-भाजप युतीने
देऊळगाव राजात आपले वर्चस्व सिद्ध केले आहे.
सिंदखेडराजा नगरपालिकेत पक्षीय बलाबल पाहता राष्ट्रवादी शरद पवार गटाकडे ७ जागा,
शिंदे शिवसेना गटाकडे ६ जागा, तर राष्ट्रवादी अजित पवार गट व भाजप युतीकडे ७ जागा आहेत.
त्यामुळे शेवटपर्यंत निकालाबाबत प्रचंड उत्सुकता होती.
एकूणच या निकालांमुळे मतदारांनी माजी आणि विद्यमान आमदारांमध्ये समतोल साधत
दोन्ही गटांना संधी दिल्याचे चित्र स्पष्ट झाले आहे.
बुलढाणा जिल्ह्यातील राजकारणात या निकालांचा दूरगामी परिणाम होणार आहे.
👉 अशाच ताज्या आणि विश्वासार्ह बातम्यांसाठी
Kattanews.in ला नियमित भेट द्या,
तुमच्या परिसरातील राजकीय, सामाजिक आणि ब्रेकिंग न्यूज सर्वात आधी वाचा.
🔗 हे पण वाचा..
- बुलढाणा जिल्ह्यातील नगरपरिषद निवडणूक निकाल 2025
- राष्ट्रवादी शरद पवार व अजित पवार गटातील राजकीय संघर्ष
- स्थानिक स्वराज्य संस्थांच्या निवडणुकांतील मोठे उलटफेर
