मोताळा | ६ एप्रिल २०२६
जिल्ह्यातील मोताळा येथील कॉटन मार्केट परिसरात पोलिसांनी मोठी कारवाई करत सुमारे १० किलो गांजा जप्त केला आहे. या कारवाईत जवळपास २ लाख रुपयांचा मुद्देमाल हस्तगत करण्यात आला असून एका युवकाला ताब्यात घेण्यात आले आहे. ही कारवाई रविवारी (५ एप्रिल) दुपारी करण्यात आली.
ठाणेदार सीताराम मेहेत्रे यांच्या मार्गदर्शनाखाली सपोनि बालाजी शेंगेपल्लु, पीएसआय राजेंद्र कपले यांच्यासह पथकाने पंचांसमक्ष घरावर छापा टाकला. या छाप्यात घरातून ९ किलो ८०० ग्रॅम गांजा आढळून आला. या गांज्याची किंमत अंदाजे १ लाख ९६ हजार रुपये असल्याचे सांगण्यात आले.
👉 विशेष जाहिरात | अधिक माहितीसाठी क्लिक करा
पोलिसांनी संपूर्ण मुद्देमाल जप्त करून आरोपी अजय मोहिते याला ताब्यात घेतले आहे. या प्रकरणी पीएसआय राजेंद्र कपले यांच्या फिर्यादीवरून बोराखेडी पोलिस ठाण्यात गुन्हा दाखल करण्यात आला आहे.
या प्रकरणाचा पुढील तपास सपोनि बालाजी शेंगेपल्लु व पोलिस कर्मचारी करीत आहेत. विशेष म्हणजे, कॉटन मार्केट परिसरात गेल्या सहा महिन्यांतील गांजासंबंधी ही तिसरी मोठी कारवाई असल्याने परिसरात खळबळ उडाली आहे.
👉 अशाच ताज्या आणि विश्वासार्ह बातम्यांसाठी Kattanews.in ला भेट द्या आणि आमचा WhatsApp ग्रुप जॉइन करा.
Related News
