मोताळा |बुलढाणा जिल्हा|२२ फेब्रुवारी २०२६
मोताळा तालुका व बोराखेडी परिसरात खळबळ उडवणाऱ्या घटनेत बेपत्ता झालेली १७ वर्षीय अल्पवयीन मुलगी नदीपात्रात मृतावस्थेत आढळली आहे. संशयास्पद मृत्यू म्हणून या प्रकरणाकडे पाहिले जात असून पोलिस तपास सुरू आहे. गुरुवारी घरातून बाहेर पडलेल्या मुलीचा दुसऱ्या दिवशी मृतदेह सापडल्याने गावात चिंता आणि भीतीचे वातावरण निर्माण झाले आहे.संबंधित मुलगी गुरुवारी (दि. २०) सकाळी सुमारे दहा वाजण्याच्या सुमारास घरातून बाहेर पडली होती. सायंकाळपर्यंत ती परत न आल्याने कुटुंबीयांनी गावकऱ्यांच्या मदतीने शोधमोहीम सुरू केली. रात्री उशिरापर्यंत शोध घेऊनही ती सापडली नाही.शुक्रवारी सकाळी साडेदहाच्या सुमारास नदीपात्रात पाण्यावर काहीतरी तरंगताना दिसल्याची माहिती स्थानिक व्यक्तीने दिली. जवळ जाऊन पाहिल्यानंतर तो बेपत्ता मुलीचाच मृतदेह असल्याचे स्पष्ट झाले. घटनेची माहिती मिळताच परिसरात नागरिकांची मोठी गर्दी झाली.माहिती मिळताच पोलिस घटनास्थळी दाखल झाले. पंचनामा करून मृतदेह ताब्यात घेण्यात आला. मृत्यूचे कारण अद्याप स्पष्ट झालेले नसून सर्व शक्यता लक्षात घेऊन तपास सुरू असल्याचे पोलिसांनी सांगितले.
मृतदेह शवविच्छेदनासाठी बुलढाणा येथे पाठविण्यात आला असून अहवालानंतर मृत्यूचे नेमके कारण स्पष्ट होणार आहे. या घटनेमुळे परिसरात शोककळा पसरली असून नागरिकांनी घटनेचा सखोल तपास करण्याची मागणी केली आहे.
📢 पुढील अपडेट लवकरच
या प्रकरणातील तपास आणि शवविच्छेदन अहवालाबाबत अधिकृत माहिती मिळताच वाचकांना कळविण्यात येईल.
👉 स्थानिक बातम्यांसाठी जोडलेले रहा
ब्रेकिंग न्यूज आणि ग्रामीण भागातील घडामोडी सर्वप्रथम मिळवण्यासाठी Kattanews.in ला नियमित भेट द्या.
Related News
