रिसोड |२२ मार्च २०२६
वाशीम जिल्ह्यातील लोणी बुद्रुक येथे गुढी पाडव्याच्या शुभ मुहूर्तावर हनुमान मंदिरातील मूर्तीची पुनर्स्थापना अत्यंत भक्तिभाव आणि उत्साहात पार पडली. सकाळपासूनच मंदिर परिसरात भाविकांची मोठी गर्दी पाहायला मिळाली.
या कार्यक्रमाचे वैशिष्ट्य म्हणजे १५ जोडप्यांनी होम-हवनात सहभाग घेतला. सर्व धार्मिक विधी वेदशास्त्र पारंगत पुरोहित तुळशीदास गांजरे यांच्या मार्गदर्शनाखाली शास्त्रोक्त पद्धतीने पार पडले.
👉 विशेष जाहिरात | अधिक माहितीसाठी क्लिक करा
मंदिर परिसर आकर्षक सजावटीने नटविण्यात आला होता. फुलांची सजावट, ध्वज-ध्वजपताका आणि रोषणाईमुळे वातावरण अधिक प्रसन्न झाले होते. महिलांनी पारंपरिक वेशभूषेत भजन-कीर्तनाद्वारे भक्तीमय वातावरण निर्माण केले.
या वेळी सखाराम महाराज संस्थानचे विश्वस्त कल्याण महाराज तसेच डॉ. प्रवीण लढ्ढा यांची प्रमुख उपस्थिती होती.
व्यसनमुक्तीचा संदेश : या धार्मिक कार्यक्रमाच्या निमित्ताने गावात व्यसनमुक्तीबाबत जनजागृती करण्यात आली. समाधान बोडखे, संतोष बोडखे यांच्यासह अनेक युवकांनी दारू, तंबाखू आणि इतर व्यसनांपासून दूर राहण्याचा संकल्प केला.
👉 अधिक स्थानिक बातम्यांसाठी Kattanews.in ला भेट द्या आणि अपडेट रहा.
