लोणार | ५ फेब्रुवारी २०२६
लोणार शहरात बनावट कृषी औषध विक्रीचा अत्यंत गंभीर प्रकार उघडकीस आला असून Syngenta कंपनीच्या नावाने Isabion औषधाची बनावट विक्री केली जात असल्याने शेतकऱ्यांची थेट फसवणूक होत असल्याचे समोर आले आहे. या प्रकरणामुळे शेतकऱ्यांच्या शेतीवर मोठा परिणाम होण्याची शक्यता निर्माण झाली असून पोलिस व कृषी विभागाच्या संयुक्त कारवाईत ₹29,008 रुपयांचा मुद्देमाल जप्त करण्यात आला आहे.
छाप्यादरम्यान दुकानातील रॅक तसेच मागील स्टोअर रूममधून Isabion 1 लिटरच्या Syngenta कंपनीच्या 16 सिलबंद बाटल्या आढळून आल्या. प्रत्येकी किंमत ₹1,813 प्रमाणे एकूण ₹29,008 रुपयांचा मुद्देमाल पोलिसांनी जप्त केला.
तपासणीदरम्यान या बाटल्या बनावट असल्याचे स्पष्ट झाले. मूळ बॉटलच्या तुलनेत बनावट बॉटलवरील लोगोचा रंग फिक्कट हिरवा, GTIN नंबरमधील तफावत, सिरीयल नंबरच्या फॉन्टमधील फरक तसेच झाकणाच्या रंगातही बदल आढळून आला.
या बनावट औषधांच्या विक्रीमुळे Syngenta कंपनीची प्रतिमा मलीन झाली असून शासनाच्या महसुलाचे नुकसान झाले आहे. तसेच अशा औषधांमुळे शेतकऱ्यांचे आर्थिक व शेतीविषयक मोठे नुकसान होण्याची शक्यता असल्याचा आरोप फिर्यादीने केला आहे.
या प्रकरणाचा पुढील तपास पोलीस उपनिरीक्षक धनंजय इंगळे करीत असून या कारवाईमुळे लोणार परिसरात बनावट कृषी औषध विक्रेत्यांमध्ये खळबळ उडाली आहे.
प्रशासनाने शेतकऱ्यांना आवाहन केले आहे की, कृषी औषधे खरेदी करताना अधिकृत विक्रेते, कंपनीची सील, QR कोड व पॅकेजिंगची तपासणी करूनच औषधे खरेदी करावीत.
👉 शेतकऱ्यांसाठी महत्वाची सूचना
बनावट कृषी औषधांमुळे उत्पादनात घट, पीक नुकसान आणि आर्थिक तोटा होऊ शकतो. त्यामुळे संशयास्पद औषध आढळल्यास त्वरित कृषी अधिकारी किंवा पोलिसांशी संपर्क साधावा.
📌 Related News
- गाव वेशीला टांगलं! आदर्श ग्राम म्हणून गौरवलेल्या धानोरा-निमखेडा-बुट्टा ग्रामपंचायतीत भ्रष्टाचाराचा भडका
- पंधराव्या वित्त आयोगाच्या १२ लाखांवर डल्ला; ग्रामसेवक गणेश पायघन निलंबित
- सिंदखेडराजा तालुक्यातील ४३ ग्रामपंचायतीवर १० फेब्रुवारीपासून प्रशासक राज; मोठ्या ग्रामपंचायतींचा समावेश
📢 हे आवश्यक करा
👉 अशा महत्त्वाच्या शेतकरी आणि ग्रामीण बातम्यांसाठी Kattanews.in ला दररोज भेट द्या.
👉 बातमी शेअर करून इतर शेतकऱ्यांनाही सतर्क करा.
