लोणार नगरपरिषद निवडणुकीनंतर काँग्रेसला मोठा धक्का; तालुकाध्यक्ष मो. तोफिक कुरेशी यांचा राजीनामा

मो. तोफिक कुरेशी यांनी हा राजीनामा थेट जिल्हाध्यक्ष मा. राहुल बोंद्रे साहेब यांच्याकडे सादर केला आहे.
आपल्या राजीनामा पत्रात त्यांनी काँग्रेस पक्षासाठी केलेल्या दीर्घकालीन कार्याचा उल्लेख करत अंतर्गत गद्दारीमुळे
आपला पराभव झाल्याचा गंभीर आरोप केला आहे.

राजीनामा पत्रात नमूद केल्याप्रमाणे, लोणार नगरपालिका निवडणुकीत प्रभाग क्रमांक १ मधून काँग्रेस पक्षाचा अधिकृत उमेदवार
असताना, पक्षातीलच काही पदाधिकारी व नेत्यांनी अपक्ष उमेदवारांना आर्थिक मदत करून
आपला पराभव घडवून आणल्याचा आरोप त्यांनी केला आहे.

“मी आणि माझे कुटुंब अनेक वर्षांपासून काँग्रेस पक्षासाठी तन-मन-धनाने काम करत आलो आहे.
माझे वडील ग्रामपंचायत सरपंच होते.
मात्र माझ्याच पक्षातील गद्दार प्रवृत्तीमुळे मला पराभव स्वीकारावा लागला.
अशा लोकांसोबत पुढे काम करणे मला शक्य नाही,” असे त्यांनी स्पष्ट शब्दांत म्हटले आहे.

हे पण वाचा..

बुलढाणा जिल्ह्यातील थरकाप उडवणारी घटना: पोटच्या चिमुरड्यांना मृत्यूच्या दारात ढकलून मातेने संपवली जीवनयात्रा.

या घटनेमुळे लोणार काँग्रेस तसेच बुलढाणा जिल्हा काँग्रेस मध्ये मोठी राजकीय खळबळ उडाली असून
आगामी काळात याचे राजकीय पडसाद उमटण्याची शक्यता व्यक्त केली जात आहे.