देऊळगाव राजा रिपोर्टर: रामदास कहाळे अपडेट: 7 नोव्हेंबर 2025
Birthday Sword Case Maharashtra म्हणून या घटनेची सोशल मीडियावर मोठी चर्चा सुरू असून Deulgaon Raja Police Action मुळे शहरात कायद्याबाबत जागरूकता पुन्हा एकदा समोर आली आहे.
देऊळगाव राजा शहरातील मुख्य रस्त्यावर तलवारीने केक कापून वाढदिवस साजरा केल्यामुळे लोकांमध्ये दहशतीचे वातावरण निर्माण झाले होते. याच पार्श्वभूमीवर पोलिसांनी तातडीची धडक कारवाई केली.
देऊळगाव राजा-जालना रोडवरील मिस्त्री कोटकर पेट्रोल पंप परिसरात काही युवकांनी ४ नोव्हेंबरच्या रात्री साडेनऊच्या दरम्यान बेकायदेशीर जमाव जमवला. वाढदिवसाचा जल्लोष वेगळा दिसावा म्हणून या युवकांनी तलवारीसारख्या घातक शस्त्रांचा वापर करून केक कापला. हा प्रकार सार्वजनिक ठिकाणी घडल्याने स्थानिक नागरिक घाबरले आणि याचा व्हिडिओ सोशल मीडियावर मोठ्या प्रमाणात पसरला.
या प्रकरणात मिलन राजेश नाडे, उमेश सतीश अंभोरे, आयान खान जहीर खान, कार्तिक निंबाजी हिवाळे, शुभम लिंबाजी हिवाळे, चंदू साळवे आणि विशाल एकनाथ तिडके या सात जणांविरोधात विविध कलमान्वये गुन्हा दाखल करण्यात आला आहे. यापैकी पाच जणांना पोलिसांनी अटक केली आहे.
घटनेची माहिती मिळताच उपविभागीय अधिकारी मनीषा कदम, पोलिस निरीक्षक ब्रह्मा गिरी व उपनिरीक्षक दत्ता नरवाडे यांनी तातडीने घटनास्थळी धाव घेतली. परिस्थिती नियंत्रणात घेतल्यानंतर पोलिसांनी आरोपींवर कारवाई करण्यास सुरुवात केली.
हे पण वाचा.
सावरगाव डुकरे हादरलं! कुटुंबाचा अंत: मुलाने आई-वडिलांचा कुऱ्हाडीने खून करून स्वतः फाशी घेतली.
या प्रकरणामुळे देऊळगाव राजामध्ये वाढदिवसाचा जल्लोष आता ‘दहशतीचा जल्लोष’ म्हणून चर्चेत येत आहे. सध्या या प्रकरणाचा पुढील तपास सुरू आहे.
