चिखली|१३ फेब्रुवारी २०२६
मिळालेल्या माहितीनुसार, चिखली मार्गावरील हातणी जवळ भरधाव वेगात येणाऱ्या ट्रकने टू व्हीलरला धडक दिली. धडक इतकी जबरदस्त होती की युवकाचे अक्षरशः दोन तुकडे झाल्याचे प्रत्यक्षदर्शींनी सांगितले. अपघातानंतर काही काळ वाहतूक विस्कळीत झाली होती.
या भीषण अपघातात मृत्यू झालेल्या युवकाचे नाव शंतनू नारायण अंभोरे (वय 23) असे असून तो एकलारा येथील रहिवासी असल्याचे समजते. तो परीक्षेसाठी जात असताना ही दुर्दैवी घटना घडली. कुटुंबीयांवर दुःखाचा डोंगर कोसळला असून गावात हळहळ व्यक्त होत आहे.
घटनास्थळी पीएसआय गाढे आपल्या पथकासह तातडीने दाखल झाले. मृतदेह उत्तरीय तपासणीसाठी उपजिल्हा सामान्य रुग्णालय, चिखली येथे पाठवण्यात आला आहे. संबंधित ट्रक चालकाला पोलिसांनी ताब्यात घेतले असून पुढील तपास चिखली पोलीस स्टेशन करत आहे.
दरम्यान, चिखली-बुलढाणा रोडवरील वाढते अपघात नागरिकांसाठी चिंतेचा विषय ठरत आहेत. वाहतूक नियमांचे पालन, वेगमर्यादा नियंत्रण आणि रस्ते सुरक्षेच्या उपाययोजना तातडीने राबवाव्यात अशी मागणी नागरिकांकडून होत आहे.
📌 Related News
- ग्रामपंचायतींवर प्रशासक नेमणुकीवर मोठी मागणी; कार्यरत सरपंचांनाच संधी द्या – आ. श्वेताताई महाले पाटील यांचे मुख्यमंत्र्यांना पत्र
- नापिकीचा घातक फटका! मेरा बु येथे शेतकरी दांपत्याचा विष प्राशन; पतीचा मृत्यू, पत्नी बचावली
- साखरखेर्डाला मोठी भेट! अप्पर तहसीलदार कार्यालय मंजूर; ३५ वर्षांच्या मागणीला यश
👉 Kattanews.in वर ताज्या अपडेटसाठी जोडलेले रहा
आपल्या परिसरातील ब्रेकिंग न्यूज, अपघात, राजकीय आणि सामाजिक घडामोडी सर्वात आधी वाचण्यासाठी Kattanews.in ला नियमित भेट द्या. ही बातमी शेअर करा आणि स्थानिक पत्रकारितेला पाठिंबा द्या.
