चिखली |१७ फेब्रुवारी २०२६
चिखली जवळ असोला–मेरा फाट्यादरम्यान रविवारी (१५ फेब्रुवारी) सकाळी घडलेल्या भीषण कार अपघातात पत्रकार राजू सुरडकर यांचा मृत्यू झाला असून तिघे जण गंभीर जखमी झाले आहेत. छत्रपती संभाजीनगर येथे रुग्ण सेवा करून परत येत असताना स्विफ्ट डिझायर कार झाडावर आदळल्याने ही दुर्घटना घडली. या अपघातामुळे चिखली परिसरात हळहळ व्यक्त होत असून सामाजिक व पत्रकारितेच्या क्षेत्रात शोककळा पसरली आहे.
अपघातानंतर स्थानिक नागरिक आणि एका क्रुझर वाहन चालकाच्या मदतीने जखमींना तातडीने चिखली येथील खाजगी रुग्णालयात दाखल करण्यात आले.
उपचारादरम्यान राजू सुरडकर (रा. बेराळा) यांना डॉक्टरांनी मृत घोषित केले. तर सुरेश सुरडकर (रा. बेराळा), विवेक येवले (रा. हिवरा आश्रम) आणि सतीश ठेंग (रा. शेलगाव जहागीर) यांच्यावर उपचार सुरू आहेत.
मृतक राजू सुरडकर हे पत्रकार म्हणून कार्यरत होते. तसेच छत्रपती संभाजीनगर येथील तज्ज्ञ डॉक्टरांना चिखली येथे सेवा देण्यासाठी ते पीआरओ म्हणून काम पाहत होते.
त्यांच्या पश्चात आई-वडील, भाऊ, पत्नी आणि पाच वर्षांचा मुलगा असा परिवार आहे. त्यांच्या अपघाती निधनाने बेराळा गावासह परिसरात शोककळा पसरली असून सर्व स्तरांतून हळहळ व्यक्त केली जात आहे.
📢 हे पण वाचा..
- राजेशने केल्या २१ घरफोड्या, राजेंद्रच्या नावावर १७ गुन्हे! LCBच्या जाळ्यात तीन अट्टल चोरटे; ६.८६ लाखांचा मुद्देमाल जप्त
- चिखली-बुलढाणा रोडवर भीषण अपघात! परीक्षेला निघालेल्या 23 वर्षीय युवकाचा ट्रकखाली चिरडून मृत्यू
- खापरखेड रेती घाटावर नियमांना तिलांजली! पोकलॅंडच्या साह्याने अवैध उत्खनन; महसूल विभागाच्या भूमिकेवर संशय
📲 आमच्याशी जोडलेले रहा
स्थानिक बातम्यांचे अचूक आणि वेगवान अपडेट्स मिळवण्यासाठी Kattanews.in ला नियमित भेट द्या.
