बुलढाणा : समाधान सरकटे
बुलढाणा जिल्ह्यातील शिंदी गावावर दुःखाचा डोंगर कोसळला आहे. पुण्याजवळील पवना डॅममध्ये पोहायला गेलेल्या 27 वर्षीय धीरज गवई यांचा बुडून मृत्यू झाल्याची हृदयद्रावक घटना समोर आली आहे. उष्णतेत थोडा दिलासा मिळावा म्हणून पाण्यात उतरलेला हा तरुण पुन्हा वरच आला नाही. विशेष म्हणजे, ही घटना त्याच्या बहिणीच्या वाढदिवशीच घडल्याने संपूर्ण साखरखेर्डा परिसरात हळहळ व्यक्त होत आहे.
मिळालेल्या माहितीनुसार, धीरज गवई हे गेल्या दीड वर्षांपासून आपल्या आई-वडिलांसह पुणे परिसरात कामानिमित्त वास्तव्यास होते. 24 एप्रिल रोजी दुपारच्या सुमारास ते गावातील एका मित्रासोबत पवना डॅम परिसरात गेले होते.
👉 विशेष जाहिरात | अधिक माहितीसाठी क्लिक करा
धीरजला पोहण्याची आवड होती. गावात असताना तो नियमितपणे विहिरीमध्ये मित्रांसोबत पोहत असे. त्यामुळे त्याला पोहण्यात चांगला अनुभव होता. मात्र, डॅममधील खोल पाण्याचा अंदाज चुकला आणि काही वेळातच तो खोल भागात गेला.
काठावर उभ्या असलेल्या मित्राला धीरज बराच वेळ दिसत नसल्याने त्याने तातडीने आजूबाजूच्या लोकांना माहिती दिली. स्थानिकांच्या मदतीने पोलिसांना कळवण्यात आले. काही तासांच्या शोधानंतर रेस्क्यू टीमने धीरजचा मृतदेह बाहेर काढला.
ही बातमी कुटुंबापर्यंत पोहोचताच आई-वडिलांनी एकच टाहो फोडला. त्याच दिवशी धीरजने आपल्या लहान बहिणीच्या वाढदिवसाचे स्टेटस ठेवले होते. काही तासांतच आनंद दुःखात बदलला.
धीरज हा दोन बहिणींचा एकुलता भाऊ होता. शिक्षण पूर्ण करून तो सामाजिक कामातही सक्रिय होता. गावात त्याची ओळख मदतीला धावून जाणारा, सर्वांचा लाडका तरुण अशी होती. त्यामुळे त्याच्या निधनाने शिंदीसह परिसरात शोककळा पसरली आहे.
25 एप्रिल रोजी सकाळी शिंदी येथे अत्यंत शोकाकुल वातावरणात त्याच्यावर अंत्यसंस्कार करण्यात आले. त्याच्या पश्चात आई-वडील आणि दोन बहिणी असा परिवार आहे.
हे पण वाचा..
- पोलीस जावयावर सासू-सासऱ्यांचा हल्ला; बेल्ट-काठीने बेदम मारहाण करत नग्न करण्याचा प्रयत्न
- CCTV कट करून मेरा बुद्रुकमध्ये मध्यरात्री बिअर बार फोडला; लाखोंचा मद्यमाल लंपास
- मलकापूर पांग्रा मंडळातील 14 गावांचा संताप उसळला; सिंदखेडराजाच तहसील ठेवा म्हणत आंदोलनाची तयारी
हे आवश्यक करा…
अशा स्थानिक आणि विश्वासार्ह बातम्यांसाठी Kattanews.in ला नियमित भेट द्या. आपल्या जिल्ह्यातील प्रत्येक महत्त्वाची बातमी सर्वात आधी वाचा आणि शेअर करा.
