buldhana news : मेहकर-साखरखेर्डा मार्गावर गुंज फाट्याजवळ कार आणि दुचाकीची समोरासमोर धडक होऊन झालेल्या अपघातामध्ये मेहकर तालुक्यातील जानेफळ जवळील वाडी येथील गजानन कवर हे ठार झाले, तर एकजण जखमी झाला. हा अपघात १ जूनला झाला.गजानन नायबराव कवर (वय ५०) आणि तुळशीराम किसन आडवे (७०) • हे दोघे शिंदी येथे ज्ञानेश्वर खरात ■ यांच्याकडे आले होते.
शिंदी येथून वाडी येथे दुचाकी (एमएच-२८-एए-०४९५) ने • जात असताना मेहकरकडून बिबी येथे – मंगेश बाजड (रा. मेहकर) हे कार (एमएच-१६-एबी-४१८) ने जात होते. – दरम्यान, गुंज फाट्याजवळ दोन ■ वाहनांची जोरदार धडक झाली.या अपघातात दुचाकीवरील दोघेही ■ गंभीर जखमी झाले. त्यांना तातडीने साखरखेर्डा येथील प्राथमिक आरोग्य केंद्रातील रुग्णवाहिकेद्वारे मेहकर येथील एका खासगी रुग्णालयात उपचारांसाठी दाखल करण्यात आले.
दरम्यान, गजानन कवर (रा. वाडी) यांचा मृत्यू झाल्याचे डॉक्टरांनी सांगितले. तुळशीराम किसन आडवे हे गंभीर जखमी आहेत.गजानन कवर यांच्या अपघाताची माहिती मिळताच शिंदीचे माजी सरपंच विनोद खरात, ज्ञानेश्वर खरात यांनी घटनास्थळी जाऊन मदत केली.
