छत्रपती शिवाजी महाराज (shivaji maharaj) यांनी ज्या वाघनखांनी अफजलखानाचा कोथळा बाहेर काढला ती वाघनखे बुधवारी साताऱ्यात दाखल झाली. छत्रपती शिवाजी महाराज वस्तुसंग्रहालयात ती ठेवण्यात आली आहेत, अशी माहिती जिल्हाधिकारी जितेंद्र डुडी यांनी दिली.लंडन येथील व्हिक्टोरिया अॅन्ड अल्बर्ट म्युझियमध्ये असलेली ही वाघनखे बुधवारी सकाळी विशेष विमानाने महाराष्ट्राची राजधानी असलेल्या मुंबईत दाखल झाली.
त्यानंतर ही वाघनखे साताऱ्यातील वस्तुसंग्रहालयात सुरक्षित आणण्यात आली. या वाघनखांसह ‘शिवशस्त्र शौर्यगाथा’ या शिवकालीन शस्त्रांच्या प्रदर्शनाचे शक्रवारी मख्यमंत्री एकनाथ शिंदे यांच्याहस्ते उद्घाटन केले जाणार आहे. या कार्यक्रमाला उपमुख्यमंत्री देवेंद्र फडणवीस, उपमुख्यमंत्री अजित पवार, पालकमंत्री शंभूराज देसाई, खासदार उदयनराजे भोसले, आमदार शिवेंद्रसिंहराजे भोसले यांची प्रमुख उपस्थिती असणार आहे.
शनिवारपासून हे प्रदर्शन सर्वांसाठी खुले असेल. वाघनखे ७ महिने सातारा येथील संग्रहालयात सकाळी ११ ते सायंकाळी ५ या वेळेत नागरिकांना पाहण्यासाठी खुले राहील.
