बुलढाणा/भागवत गायकवाड कट्टा न्यूज नेटवर्क
: Buldhana Crime News अंतर्गत समोर आलेल्या या गंभीर घटनेमुळे जिल्ह्यात खळबळ उडाली आहे. बुलढाणा येथील सार्वजनिक न्यास नोंदणी कार्यालयातून संस्था नोंदणीसाठी वापरण्यात येणारी कोरी प्रमाणपत्रे चोरीस गेल्याचे उघडकीस आले आहे. या चोरीमुळे शासकीय योजना, बँक व्यवहार व प्रशासकीय प्रक्रियांमध्ये फसवणूक होण्याची शक्यता व्यक्त केली जात आहे.
ही बाब दि. २९ डिसेंबर २०२५ रोजी निदर्शनास आली. संस्था नोंदणी अधिनियम १८६० अंतर्गत दिल्या जाणाऱ्या नोंदणी प्रमाणपत्रांपैकी अनुक्रमांक १२१९९८ ते १२२००० अशी तीन कोरी प्रमाणपत्रे चोरीस गेल्याची माहिती समोर आली आहे.
या प्रकरणी बुलढाणा शहर पोलीस स्टेशनमध्ये अज्ञात आरोपीविरुद्ध चोरीचा गुन्हा दाखल करण्यात आला असून, पुढील तपास सुरू आहे. चोरीस गेलेली ही प्रमाणपत्रे वापरून बनावट संस्था नोंदणी, शासकीय अनुदान मिळवणे किंवा बँक खात्यांशी संबंधित गैरप्रकार होण्याची भीती व्यक्त केली जात आहे.
दरम्यान, सहायक धर्मदाय आयुक्त यांनी सर्व शासकीय कार्यालये, बँका, वित्तीय संस्था व संबंधित विभागांना सतर्कतेचा इशारा दिला आहे. सदर अनुक्रमांकांची प्रमाणपत्रे कुठेही वापरात आढळल्यास, त्यांची तात्काळ पडताळणी सार्वजनिक न्यास नोंदणी कार्यालय, बुलढाणा येथे करून घ्यावी, असे आवाहन करण्यात आले आहे.
👉 बुलढाण्यातील ताज्या क्राईम बातम्या सर्वात आधी
क्राईम, प्रशासन, राजकारण आणि स्थानिक बातम्यांसाठी Kattanews.in ला दररोज भेट द्या व अपडेट राहा.
