📍 रिसोड | 🗓️ ६ जानेवारी २०२६
स्व.ॲड.आप्पासाहेब सरनाईक स्मृतिदिन निमित्ताने रिसोड तालुक्यातील श्री शिवाजी विद्यालय व कनिष्ठ महाविद्यालय, मोप येथे क्रीडा सप्ताहाचे उद्घाटन उत्साहात पार पडले. विद्यार्थ्यांचा सर्वांगीण विकास व्हावा, या उद्देशाने आयोजित करण्यात आलेल्या या क्रीडा सप्ताहात शिक्षक, शिक्षकेतर कर्मचारी आणि विद्यार्थ्यांनी उत्स्फूर्त सहभाग नोंदविला.
या कार्यक्रमाचे मार्गदर्शन अमरावती विभागीय शिक्षक संघाचे मा. आमदार
ॲड. किरणराव सरनाईक, शिक्षण समिती अध्यक्ष श्री गोपीकिसन सिकची, संचालक श्री जनार्दनजी नरवाडे,डाॅ. श्री रामेश्वरजी नरवाडे व
श्री जुगलकिशोर शर्मा यांनी केले.
कार्यक्रमाची सुरुवात शाळेचे प्राचार्य
मा. श्री शरदकुमार टेमधरे यांच्या हस्ते
स्व. ॲड. आप्पासाहेब सरनाईक यांच्या प्रतिमेचे पूजन व पुष्पहार अर्पण करून करण्यात आली.
यावेळी पर्यवेक्षक श्री सुनील लांडगे,
प्रा. जीवन हेंबाडे, प्राध्यापक, शिक्षक, शिक्षिका,शिक्षकेतर कर्मचारी व विद्यार्थी मोठ्या संख्येने उपस्थित होते.
क्रीडा सप्ताहामध्ये विविध मैदानी व बौद्धिक खेळांचे आयोजन करण्यात आले होते. यामध्ये प्राध्यापक, शिक्षक, शिक्षकेतर कर्मचारी व विद्यार्थ्यांनी मोठ्या उत्साहाने सहभाग घेतला.
क्रीडा सप्ताहाची सांगता आनंद मेळाव्याने करण्यात आली.
संपूर्ण क्रीडा सप्ताहाचे उत्कृष्ट नियोजन
क्रीडा शिक्षक श्री विठ्ठल नायक व
प्रा. समाधान गायकवाड यांनी केले.
दरम्यान, ११ जानेवारी २०२६ (रविवार) रोजी श्री शिवाजी शिक्षण संस्था, वाशीमचे संस्थापक
शिक्षण महर्षी स्व. ॲड. आप्पासाहेब सरनाईक यांच्या स्मृतिदिनानिमित्त शाळेत त्यांच्या प्रतिमेचे पूजन करून
विनम्र अभिवादन करण्यात आले.
📢 वाचकांसाठी आवाहन
अशाच शैक्षणिक, सामाजिक व ग्रामीण भागातील महत्त्वाच्या बातम्यांसाठी
KattaNews.in ला दररोज भेट द्या.
🔗 हे पण वाचा..
- रिठद पेट्रोल पंपासमोर अज्ञात वाहनाची धडक; ३५ वर्षीय युवकाचा जागीच मृत्यू, वाहन चालक फरार
- इंदिरा नगरमधील देशी दारूचे दुकान महिलांसाठी धोकादायक; नागरिकांचा जिल्हाधिकाऱ्यांना इशारा
