प्रा. दिलीप नाईकवाड | सिंदखेडराजा
मराठा सेवा संघाच्या वतीने आयोजित सावित्री–जिजाऊ दशरात्रोत्सव हा राष्ट्रमाता जिजाऊ जन्मोत्सवाच्या पार्श्वभूमीवर साजरा करण्यात येत असून
जिजाऊंच्या विचारांचा जागर या सावित्री–जिजाऊ दशरात्रोत्सव माध्यमातून केला जात आहे.
दहा दिवस चालणाऱ्या या सावित्री–जिजाऊ दशरात्रोत्सव काळात सांस्कृतिक, वैचारिक व प्रेरणादायी कार्यक्रमांचे आयोजन करण्यात आले आहे.
या प्रसंगी सिंदखेडराजा (sindkhedraja) नगरपालिकेचे नवनिर्वाचित नगराध्यक्ष शिवश्री सौरभ तायडे व शिवमती जयश्री तायडे,
मेहकरचे नगराध्यक्ष किशोर गारोळे व शिवमती रूपालीताई गारोळे,
लोणारच्या नगराध्यक्ष शिवमती मीराताई भूषण मापारी व शिवश्री भूषण मापारी उपस्थित होते.
त्यांच्या हस्ते आंतरराष्ट्रीय जिजाऊ जन्मोत्सवाच्या प्रचार व प्रसार रथाचे उद्घाटन करण्यात आले.
कार्यक्रमाची सुरुवात दीपप्रज्वलन करून जिजाऊ पुतळ्यास पुष्पहार अर्पण करत सावित्रीबाई फुले व माँसाहेब जिजाऊ यांच्या प्रतिमांना अभिवादन करून करण्यात आली.
जिजाऊ वंदना अँड उर्मिला हाडे व रंजना देशमुख यांनी सादर केली.
यावेळी मराठा सेवा संघाचे राज्य व जिल्हास्तरीय पदाधिकारी, नगरसेवक, नगरसेविका, पत्रकार बांधव मोठ्या संख्येने उपस्थित होते.
👉 विशेष जाहिरात | अधिक माहितीसाठी क्लिक करा
नगराध्यक्ष सौरभ तायडे यांनी आपल्या मनोगतात मराठा सेवा संघाने जिजाऊ जन्मोत्सव आंतरराष्ट्रीय स्तरावर नेल्याचे सांगत
पुढील काळात सर्वतोपरी सहकार्य करण्याचे आश्वासन दिले.
त्यानंतर मुख्याधिकारी आशिष बोबडे यांनी आपले विचार मांडले.
हे पण वाचा..
कार्यक्रमात सावखेड तेजन येथील जनता महाविद्यालयाच्या विद्यार्थ्यांनी सादर केलेल्या नृत्याने उपस्थितांची मने जिंकली.
सूत्रसंचालन नंदा यांनी केले तर आभार तालुकाध्यक्ष मधुकर गव्हाड यांनी मानले.
अशाच सामाजिक, सांस्कृतिक व प्रेरणादायी बातम्यांसाठी KattaNews.in ला नियमित भेट द्या आणि बातमी शेअर करा.
