बुलढाणा: भाजपात अंतर्गत स्फोट पुन्हा एकदा उघडपणे समोर आला आहे.भाजपात अंतर्गत स्फोट झाल्याचे चित्र बुलढाणा शहरात पाहायला मिळत असून, जिल्हा उपाध्यक्ष
उदय देशपांडे यांना पक्षविरोधी काम केल्याचा ठपका ठेवत पदावरून काढण्यात आले आहे.
भाजपात अंतर्गत स्फोटाच्या पार्श्वभूमीवर हे प्रकरण चर्चेचा विषय ठरत आहे.
नगरपालिका निवडणुकीत भाजपाच्या अधिकृत उमेदवारांच्या विरोधात प्रचार केल्याच्या तक्रारीनंतर
जिल्हा सरचिटणीस दत्ता पाटील यांनी हे बडतर्फीचे पत्र जारी केले. तसेच, आठ दिवसांत उत्तर न दिल्यास
पक्षातूनही हकालपट्टीचा इशारा देण्यात आला आहे.
दरम्यान, या कारवाईवर प्रतिक्रिया देताना उदय देशपांडे यांनी स्पष्ट शब्दांत सांगितले की,
“ते काय काढणार? मी १७ डिसेंबर रोजीच विदर्भ प्रांत संघटन मंत्र्याकडे जिल्हा उपाध्यक्ष पदाचा
राजीनामा पाठविला होता.” त्यांनी त्या राजीनाम्याची प्रत आज माध्यमांसमोर सादर केली.
संघ आणि भाजपाच्या विचारधारेत वाढलेले, ‘संघ एक जीवनगाथा’ पुस्तकाचे लेखक व भाजपाचे जेष्ठ नेते
भास्करराव देशपांडे यांचे सुपूत्र म्हणून उदय देशपांडे यांची ओळख आहे. भाजपाची संघटनात्मक वाटचाल
ज्या घरातून सुरू झाली, त्या घरातील वारसालाच आज पक्षाबाहेर ढकलण्याचा प्रयत्न होत असल्याची चर्चा आहे.
हे पण वाचा..
बुलढाण्यात ACB ची मोठी कारवाई! वनविभागाची ACF अश्विनी आपेट लाच घेताना रंगेहात.
नगरपालिका निवडणुकीत उमेदवारी नाकारल्यानंतर निर्माण झालेली नाराजी, अंतर्गत गटबाजी आणि
निवडणूक पराभवामुळे बुलढाणा भाजपमध्ये प्रचंड अस्वस्थता निर्माण झाली आहे.
या संपूर्ण प्रकरणामुळे भाजपातील अंतर्गत वाद चव्हाट्यावर आला आहे.
📌 वाचकांसाठी आवाहन
अशाच राजकीय घडामोडी, ब्रेकिंग न्यूज आणि स्थानिक बातम्यांसाठी
KattaNews.in ला दररोज भेट द्या.
आपले मत कमेंटमध्ये जरूर कळवा.
🔗 Related News
