सोन्याचे बिस्कीट दाखवून ज्येष्ठ महिलेची ३२ हजारांची फसवणूक; देऊळगाव राजा हादरला

On: December 31, 2025 7:56 AM

वाशिम पंचायत समिती कार्यालयासमोर 101 नारळ फोडून शेतकऱ्यांचे अनोखे आंदोलन

देऊळगाव राजा/कट्टा न्यूज प्रतिनिधी

देऊळगाव राजा : सोन्याचे बिस्कीट दाखवून फसवणूक करण्याचा प्रकार देऊळगाव राजा तालुक्यात समोर आला असून, या घटनेमुळे परिसरात खळबळ उडाली आहे. सोन्याचे बिस्कीट दाखवून फसवणूक करत दोन अज्ञात व्यक्तींनी ६५ वर्षीय ज्येष्ठ महिलेचा विश्वास संपादन केला. सोन्याचे बिस्कीट दाखवून फसवणूक करून आरोपींनी तब्बल ३२ हजार रुपयांचे सोन्याचे दागिने लंपास केल्याची ही घटना आहे.

ही घटना २८ डिसेंबर रोजी दुपारी सुमारे २ वाजताच्या सुमारास देऊळगाव महीं परिसरात घडली. याप्रकरणी देऊळगाव राजा पोलिस ठाण्यात दोन अज्ञात आरोपींविरुद्ध गुन्हा दाखल करण्यात आला आहे.

फिर्यादी सुमनबाई साहेबराव चेके (वय ६५, रा. सरंबा, ता. देऊळगाव राजा) या देऊळगाव महीं येथे असताना दोन अज्ञात इसमांनी त्यांच्याशी संवाद साधला. आरोपींनी स्वतःकडे असलेले सोन्यासारखे दिसणारे बिस्कीट दाखवून विश्वास संपादन केला.

👉 विशेष जाहिरात | अधिक माहितीसाठी क्लिक करा

यानंतर चलाखीने आरोपींनी फिर्यादीच्या गळ्यातील सोन्याची पोत व कानातील सोन्याची फुले असा एकूण ३२ हजार रुपयांचा ऐवज ताब्यात घेतला. त्याबदल्यात सोन्यासारखे बिस्कीट देत आरोपी घटनास्थळावरून पसार झाले.

काही वेळाने फसवणूक झाल्याचे लक्षात येताच सुमनबाई चेके यांनी तात्काळ देऊळगाव राजा पोलिस ठाण्यात तक्रार दाखल केली. ठाणेदार ब्रह्मा गिरी यांच्या मार्गदर्शनाखाली पोलीस हवालदार कलीम देशमुख पुढील तपास करीत आहेत.

दरम्यान, अशा प्रकारच्या फसवणुकीच्या घटनांमध्ये वाढ होत असल्याने नागरिकांनी, विशेषतः ज्येष्ठ नागरिकांनी अनोळखी व्यक्तींवर विश्वास ठेवू नये, असे आवाहन पोलिस प्रशासनाकडून करण्यात आले आहे.