भूमिपुत्र शेतकरी संघटनेचा ७ वा वर्धापन दिन | रिसोडमध्ये भव्य पोवाडा व सांस्कृतिक कार्यक्रम

भूमिपुत्र शेतकरी संघटना वर्धापन दिन मोठ्या उत्साहात साजरा होणार असून
भूमिपुत्र शेतकरी संघटनेच्या ७ व्या वर्धापन दिनानिमित्त बुधवार,
दि. १ जानेवारी रोजी सायंकाळी ६ वाजता
रिसोड येथील कृषी उत्पन्न बाजार समिती प्रांगणात
भव्य पोवाडा व सांस्कृतिक कार्यक्रमाचे आयोजन करण्यात आले आहे.

या भव्य सोहळ्यात महाराष्ट्रातील प्रसिद्ध शिवशाहीर अविष्कार देशींगे (सांगली)
व त्यांचा संच शिवकालीन पोवाड्यांचे सादरीकरण करणार असून
रिसोड शहरासह संपूर्ण परिसरात इतिहासाचा जागर घुमणार आहे.

👉 विशेष जाहिरात | अधिक माहितीसाठी क्लिक करा

यावेळी भूमिपुत्र शेतकरी संघटनेच्या वार्षिक दिनदर्शिकेचे प्रकाशन
मान्यवरांच्या हस्ते करण्यात येणार आहे.
कार्यक्रमाचे उद्घाटन भूमिपुत्र शेतकरी संघटनेचे संस्थापक अध्यक्ष
तथा कृषी उत्पन्न बाजार समितीचे सभापती मा. विष्णुपंत भुतेकर
यांच्या हस्ते दीपप्रज्वलन करून होणार आहे.

कार्यक्रमाचा समारोप “बॉस बँड” वरील राष्ट्रगीताने करण्यात येणार असल्याची माहिती
भूमिपुत्र शेतकरी संघटनेचे राज्य संघटक व राज्य प्रवक्ते डॉ. जितेंद्र गवळी
यांनी दिली आहे.

मागील अनेक वर्षांपासून वाशिम जिल्ह्यासह आजूबाजूच्या परिसरात
इतका भव्य पोवाडा कार्यक्रम झाला नव्हता.
त्यामुळे महाराष्ट्रातील अव्वल शिवशाहीर अविष्कार देशींगे
व त्यांच्या संचाच्या या कार्यक्रमाचा लाभ
शेतकरी, नागरिक व शिवप्रेमींनी मोठ्या संख्येने घ्यावा,
असे आवाहन भूमिपुत्र शेतकरी संघटनेतर्फे करण्यात आले आहे.