घाटपुरी येथील श्री जगदंबा देवी मंदिरात धाडसी चोरी; देवीचे चांदीचे मुकूट, डोळे व मंगळसूत्र लंपास

खामगाव/प्रतिभा जगदाने 

: खामगाव शहरालगत असलेल्या घाटपुरी येथील श्री जगदंबा देवी संस्थान मंदिरात चोरी झाल्याची खळबळजनक घटना २५ डिसेंबर रोजी उघडकीस आली आहे. अज्ञात चोरट्याने मंदिराच्या मागील बाजूस असलेली लोखंडी खिडकी कापून आत प्रवेश करत देवी व गणपतीचे चांदीचे मुकूट, चांदीचे डोळे व मंगळसूत्र असा सुमारे ७३ हजार रुपयांचा मौल्यवान ऐवज लंपास केला आहे.

ही घाटपुरी मंदिर चोरी २४ डिसेंबरच्या रात्री घडली असल्याचा प्राथमिक अंदाज असून, पुजारी संजय शर्मा हे २५ डिसेंबर रोजी पहाटे मंदिरात गेले असता चोरीचा प्रकार त्यांच्या निदर्शनास आला. गाभाऱ्यातील मौल्यवान दागिने गायब असल्याचे पाहून त्यांनी तत्काळ पोलिसांना माहिती दिली.विशेष बाब म्हणजे, जगदंबा देवी मंदिर चोरी प्रकरणातील चोरटा सीसीटीव्ही कॅमेऱ्यात स्पष्टपणे कैद झाला आहे. पोलिसांनी सीसीटीव्ही फुटेज ताब्यात घेतले असून, आरोपीची ओळख पटविण्याची प्रक्रिया अंतिम टप्प्यात असल्याचे सांगण्यात आले आहे.घटनेची माहिती मिळताच शिवाजीनगर पोलीस ठाण्याचे ठाणेदार अहेरकर, उपविभागीय पोलीस अधिकारी प्रदीप पाटील तसेच स्थानिक गुन्हा शाखेचे पोलीस निरीक्षक सुनिल अंबुलकर यांनी घटनास्थळी भेट देऊन पाहणी केली. तपासासाठी श्वान पथकाला देखील पाचारण करण्यात आले.

👉 विशेष जाहिरात | अधिक माहितीसाठी क्लिक करा

हे पण वाचा..

बुलढाणा जिल्ह्यात भाजपाचा दबदबा; ४ नगराध्यक्ष, ८९ नगरसेवकांसह नंबर वन, काँग्रेस दुसऱ्या क्रमांकावर.

या खामगाव मंदिर चोरी घटनेमुळे भाविकांमध्ये तीव्र संताप व्यक्त केला जात असून, मंदिर परिसरातील सुरक्षा वाढवण्याची मागणी होत आहे. पोलिसांकडून लवकरच आरोपीला अटक केली जाईल, असा विश्वास व्यक्त करण्यात आला आहे.