चिखली प्रतिनिधी/विशाल गवई
दिनांक २७/११/२०२५ रोजी फिर्यादी यांनी चिखली पोलीस ठाण्यात तक्रार नोंदवली की, त्यांची हिरो होंडा कंपनीची मो.सा क्र MH-28-U-4678 ही दिनांक २५ नोव्हेंबर रोजी रात्री घरासमोरून चोरीस गेली. मो.सा दिसेनाशी झाल्यानंतर फिर्यादी यांनी स्वतःच्या परिसरात व चिखली शहरात शोध घेऊनही काहीच सुगावा सापडला नाही, त्यामुळे गुन्हा नोंदवण्यात आला. तपासाची जबाबदारी डि बी पथकाकडे सोपवण्यात आली.
ठाणेदार भुषण गावंडे यांनी तपासासाठी विशेष सूचना दिल्यानंतर पथकाने माहितीदारांच्या मदतीने लक्ष्मी मार्केट परिसरात संशयित हालचाल करणाऱ्या एका इसमाला ताब्यात घेतले. त्याच्याकडे असलेला टॅब हा डॉक्टर प्रशांत चिंचोले यांचा चोरी गेलेला असल्याचे निष्पन्न झाले. पुढील तपासात त्याच्या ताब्यातील मो.सा क्रमांक व चेचिस क्रमांक तपासले असता हीच मो.सा फिर्यादीच्या गुन्ह्यातील असल्याचे समोर आले.
हे पण वाचा.
आडगाव राजा गावाचा संताप उफाळला! BSNL–Airtel नेटवर्क ठप्प; ग्रामस्थांचा 7 दिवसांचा अल्टिमेटम
डि बी पथकाने आरोपीकडून एकूण ३२,००० रुपये किमतीचा मुद्देमाल जप्त केला – ७,००० रुपयांचा रिअलमी टॅब आणि २५,००० रुपयांची हिरो होंडा मोटारसायकल. या कारवाईचे श्रेय पोलीस अधीक्षक निलेश तांबे, अपर पोलीस अधीक्षक अमोल गायकवाड, उपविभागीय पोलीस अधिकारी सुधीर पाटील यांच्या मार्गदर्शनासह पो.नि. भुषण गावंडे व डि बी पथकाला जाते.
हे पण वाचा.
या धडाकेबाज कामगिरीत डि बी पथकातील सफौ राजेंद्र काळे, पोना अमोल गवई, पोकॉ प्रशांत धंदर, पोकॉ अजय इटावा, राहुल पायघन व मपोकॉ रुपाली उगले यांनी महत्त्वाची भूमिका बजावली.
👉 संपूर्ण जिल्ह्यातील ब्रेकिंग अपडेट्स सर्वात आधी मिळवण्यासाठी KattaNews.in ला रोज भेट द्या!
Related News
