यासंदर्भात फाउंडेशनच्या सदस्यांनी ग्रामपंचायतीचे सरपंच आणि ग्रामसेवक यांच्याकडे निवेदन साद केले आहे. लाभार्थी निवड प्रक्रिया पारदर्शकपणे झाली आहे का, पात्रता निकषांची योग्य अंमलबजावणी झाली आहे का आणि गरजू कुटुंबांना घरकुल योजनेचा लाभ मिळाला आहे का, याची पडताळणी करण्याची मागणी निवेदनातून करण्यात आली आहे.
प्रसिद्ध करण्यात आलेल्या यादीतील प्रत्येक लाभार्थ्याच्या घराची प्रत्यक्ष जागेवर जाऊन पाहणी करण्यात यावी, अशी प्रमुख मागणी करण्यात आली आहे. संबंधित लाभार्थ्याचे घर कच्चे आहे की पक्के, घराची सद्यस्थिती काय आहे आणि संबंधित कुटुंब घरकुल योजनेसाठी पात्र आहे का, याची प्रत्यक्ष तपासणी करावी, असे निवेदनात नमूद करण्यात आले आहे.
तसेच लाभार्थ्यांकडून सादर करण्यात आलेल्या कागदपत्रांचीही काटेकोरपणे पडताळणी करण्यात यावी, अशी मागणी आहे. संबंधित लाभार्थी किंवा त्याच्या कुटुंबातील सदस्याने यापूर्वी कोणत्याही शासकीय घरकुल योजनेचा लाभ घेतला आहे का, याची माहिती तपासून दुबार लाभाची शक्यता दूर करावी, असेही फाउंडेशनने म्हटले आहे.
आर्थिकदृष्ट्या गरजू, बेघर आणि अत्यंत गरीब कुटुंबांना घरकुल योजनेचा लाभ मिळणे आवश्यक आहे. मात्र, पात्र कुटुंबांना डावलून अपात्र व्यक्तींचा समावेश झाला असल्यास संबंधित नावे फेरतपासणीनंतर वगळण्यात यावीत, अशी मागणी करण्यात आली आहे. त्याचबरोबर यादीत पात्र असूनही वंचित राहिलेल्या कुटुंबांची स्वतंत्र नोंद घेऊन त्यांचीही पात्रता तपासावी, अशी मागणी आहे.
लाभार्थी यादी तयार करताना कोणत्या पद्धतीने सर्वेक्षण करण्यात आले, पात्रतेचे कोणते निकष वापरण्यात आले, प्राधान्यक्रम कसा निश्चित करण्यात आला आणि यासंदर्भात ग्रामपंचायतीने कोणता ठराव घेतला, याची माहिती उपलब्ध करून देण्यात यावी, अशी मागणीही निवेदनातून करण्यात आली आहे.
चौकशी पूर्ण होईपर्यंत वादग्रस्त ठरलेल्या घरकुल लाभार्थी यादीच्या आधारे पुढील कोणतीही कारवाई करण्यात येऊ नये, अशी भूमिका अस्तित्त्व फाउंडेशनने घेतली आहे. चौकशीदरम्यान गैरव्यवहार, अपात्र लाभार्थ्यांचा समावेश किंवा पात्र लाभार्थ्यांना जाणीवपूर्वक वगळल्याचे आढळल्यास संबंधित जबाबदार अधिकारी किंवा व्यक्तींवर नियमानुसार प्रशासकीय कारवाई करावी, अशी मागणी करण्यात आली आहे.
घेतलेल्या सर्व हरकतींची योग्य दखल घेऊन प्रत्यक्ष चौकशी आणि पडताळणी केल्यानंतरच अंतिम घरकुल लाभार्थी यादी जाहीर करावी, असा आग्रह फाउंडेशनने धरला आहे. अन्यथा या प्रकरणात तीव्र आक्षेप घेतला जाईल, असा इशाराही निवेदनातून देण्यात आला आहे.
या प्रकरणामुळे लिंगा-पांढरी काटे ग्रामपंचायतीच्या घरकुल लाभार्थी यादीकडे स्थानिक नागरिकांचे लक्ष लागले आहे. आता प्रशासनाकडून या हरकतींची दखल घेऊन प्रत्यक्ष चौकशी केली जाते का आणि चौकशीनंतर लाभार्थी यादीत काही बदल होतो का, याकडे लक्ष राहणार आहे.
टीप : या बातमीतील अनियमिततेबाबतचे मुद्दे आणि हरकती अस्तित्त्व फाउंडेशनने निवेदनाद्वारे मांडल्या आहेत. संबंधित प्रशासनाकडून अधिकृत चौकशी किंवा स्पष्टीकरण प्राप्त झाल्यास त्यानुसार बातमी अद्ययावत केली जाईल.
📲 बुलढाणा जिल्ह्यातील ताज्या बातम्या थेट WhatsApp वर मिळवा!
🔗 बुलढाणा जिल्ह्यातील ताज्या स्थानिक बातम्या, सिंदखेड राजा तालुक्यातील घडामोडी आणि महाराष्ट्रातील महत्त्वाच्या अपडेट्ससाठी KattaNews.in वरील ताज्या बातम्या वाचा.
हे पण वाचा..
- बकरी गिळणारा महाकाय अजगर मृतावस्थेत; हनवतखेडच्या शिवारात खळबळ, दुसरा अजगर असल्याने शेतकऱ्यांत भीती
- खाद्यतेल विक्रीबाबत मोठा निर्णय! तुकाराम मुंढे ॲक्शन मोडमध्ये; सुटे तेल विकण्यास बंदी, नियम मोडल्यास कठोर कारवाई
- साखरेचे भाव आजचे किती? साखरेचे बाजार भाव वाढले; साखरेचे भाव वाढण्याचे कारण काय?
