देऊळगाव राजा | राहुल नायर
पोलिसांनी दिलेल्या माहितीनुसार, 25 जुलै 2026 रोजी सायंकाळी 5 वाजल्यापासून 26 जुलै 2026 रोजी सकाळी 9.30 वाजेपर्यंत अज्ञात चोरट्यांनी देऊळगावमही शिवारातील टिनशेडचे कुलूप तसेच कुक्कुटपालन शेडची तार तोडून आत प्रवेश केला. त्यानंतर शेडमधील खताच्या पिशव्या, गहू, कोंबड्या आणि चार्जिंग पंप असा एकूण 29 हजार रुपयांचा मुद्देमाल चोरी करून नेला.
👉 विशेष जाहिरात | अधिक माहितीसाठी क्लिक करा
फिर्यादी विजय उत्तम शिंगणे (वय 44, रा. देऊळगावमही) यांनी दिलेल्या तक्रारीनुसार, त्यांच्या तसेच संतोष अशोक शिंगणे यांच्या मालकीच्या शेडमधून पाच खताच्या पिशव्या, दोन क्विंटल गहू, 30 ते 35 लहान-मोठ्या कोंबड्या आणि चार्जिंग पंप चोरीला गेला. या घटनेमुळे संबंधित शेतकऱ्यांचे मोठे आर्थिक नुकसान झाले आहे.
या प्रकरणी विजय शिंगणे यांच्या तक्रारीवरून 26 जुलै 2026 रोजी दुपारी 3.47 वाजता देऊळगाव राजा पोलीस ठाण्यात गुन्हा क्रमांक 348/2026 दाखल करण्यात आला आहे. अज्ञात आरोपीविरुद्ध भारतीय न्याय संहिता (BNS) कलम 303(2) आणि 334(1) अंतर्गत चोरीचा गुन्हा नोंदविण्यात आला आहे.
गुन्हा दाखल करण्याची प्रक्रिया पोलीस हेड कॉन्स्टेबल काकड यांनी पूर्ण केली असून पुढील तपास पोलीस हेड कॉन्स्टेबल कलीम देशमुख करीत आहेत. पोलिसांनी घटनास्थळाचा पंचनामा केला असून परिसरातील CCTV फुटेज तसेच इतर तांत्रिक पुराव्यांच्या आधारे आरोपींचा शोध सुरू केला आहे.
📲 WhatsApp वर सर्वात आधी ब्रेकिंग न्यूज मिळवा
KattaNews.in च्या अधिकृत WhatsApp Channel मध्ये सहभागी व्हा आणि महाराष्ट्रातील प्रत्येक महत्त्वाची बातमी सर्वात आधी मिळवा.
महाराष्ट्रातील ब्रेकिंग न्यूज, सरकारी योजना, शेती, गुन्हे, राजकारण, रोजगार, शिक्षण आणि स्थानिक घडामोडींचे वेगवान अपडेट्स मिळवण्यासाठी KattaNews.in ला नियमित भेट द्या.
