साखरखेर्डा | ८ एप्रिल २०२६
गुंज येथील धक्कादायक आणि गाजलेले मारहाण प्रकरण आता निर्णायक टप्प्यावर पोहोचले असून पोलिसांनी मोठी कारवाई करत चार आरोपींना न्यायालयीन कोठडीत पाठवले आहे. दरम्यान, या प्रकरणातील प्रमुख नाव असलेल्या माजी सभापती सुरेश तुपकर यांना न्यायालयाकडून मोठा झटका बसला असून त्यांचा अटकपूर्व जामीन अर्ज फेटाळण्यात आला आहे. या निर्णयामुळे संपूर्ण परिसरात मोठी चर्चा रंगली आहे.
दरम्यान, पोलिसांनी फरार आरोपींचा शोध सुरू ठेवत १ एप्रिल रोजी अमोल सुरेश तुपकर, गजानन केशव तुपकर, ऋतिक गजानन तुपकर आणि कडूबा मनोहर तुपकर या चार आरोपींना अटक केली. न्यायालयाने त्यांना एक दिवसाची पोलीस कोठडी दिल्यानंतर २ एप्रिल रोजी त्यांची बुलढाणा कारागृहात रवानगी करण्यात आली.
या प्रकरणातील सर्वात महत्त्वाचा घडामोड म्हणजे माजी सभापती सुरेश माधवराव तुपकर यांनी मेहकर येथील जिल्हा सत्र न्यायालयात अटकपूर्व जामिनासाठी अर्ज दाखल केला होता. मात्र, सहाय्यक सरकारी वकील विनोद नरवाडे पाटील यांनी ठोस युक्तिवाद करत जामीन देऊ नये अशी भूमिका मांडली.
दोन्ही बाजूंचा युक्तिवाद ऐकल्यानंतर न्यायालयाने ७ एप्रिल रोजी तुपकर यांचा जामीन अर्ज फेटाळण्याचा निर्णय दिला. या निर्णयामुळे या प्रकरणाला नवे वळण मिळाले असून पोलिसांच्या तपासाला अधिक गती मिळण्याची शक्यता आहे.
📢 तुमच्या भागातील ताज्या आणि विश्वासार्ह बातम्यांसाठी आमच्यासोबत रहा
👉 अशाच अपडेट्ससाठी लगेच फॉलो करा KattaNews.in आणि ही बातमी तुमच्या मित्रांसोबत शेअर करा.
🔗 संबंधित बातम्या
