खामगाव (बुलढाणा) : बुलढाणा जिल्ह्यात भ्रष्टाचाराचा आणखी एक धक्कादायक प्रकार समोर आला असून खामगाव पंचायत समितीत ग्रामसेवकाला लाच घेताना रंगेहात पकडण्यात आले आहे. शेतकऱ्याच्या तक्रारीनंतर ACB ने सापळा रचून ही मोठी कारवाई केली. 10 हजार रुपयांची लाच स्वीकारत असताना ग्रामसेवक विजय माधव गवई यांना अटक करण्यात आली असून या घटनेमुळे जिल्ह्यात खळबळ उडाली आहे.
तक्रारीनंतर ACB पथकाने 25 मार्च रोजी पडताळणी केली असता ग्रामसेवकाने लाचेची मागणी केल्याचे स्पष्ट झाले. त्यानंतर सापळा रचण्यात आला. तडजोडीनंतर 10 हजार रुपये स्वीकारण्याचे ठरले आणि 2 एप्रिल रोजी पंचायत समिती कार्यालय, खामगाव येथे लाच घेताना विजय गवई यांना रंगेहात पकडण्यात आले.
👉 विशेष जाहिरात | अधिक माहितीसाठी क्लिक करा
या प्रकरणी आरोपीविरुद्ध भ्रष्टाचार प्रतिबंध अधिनियम 1988 अंतर्गत गुन्हा दाखल करण्यात आला आहे. ही कारवाई अमरावती ACB चे पोलिस अधीक्षक बापू बांगर, अपर पोलिस अधीक्षक सचिंद्र शिंदे यांच्या मार्गदर्शनाखाली पार पडली. तसेच बुलढाणा ACB चे पोलिस उपअधीक्षक भागोजी चोरमले, पोलिस निरीक्षक विलास गुसिंगे व त्यांच्या पथकाने ही यशस्वी कारवाई केली.
सरकारी कर्मचाऱ्यांकडून अशा प्रकारे लाच मागितली जात असल्याने सामान्य नागरिकांमध्ये नाराजी व्यक्त होत आहे. या घटनेमुळे पुन्हा एकदा भ्रष्टाचाराचा मुद्दा ऐरणीवर आला आहे.
👉 संबंधित बातम्या
- करवंड गढीवर पुन्हा उजळणार शिवकालीन वैभव! 250 शिवप्रेमींच्या श्रमदानातून सज्ज; 15-16 एप्रिलला भव्य ग्रामोत्सव
- धक्कादायक! ९२ वर्षांच्या आजीला चाकूचा धाक दाखवून १३ लाखांची लूट; ३ महिन्यांपासून फरार ‘बाली’ अखेर अटकेत
- धक्कादायक! कांद्याच्या शेतात अफूची शेती; ४४ लाखांचा साठा जप्त, शेतकरी अटकेत
📢 वाचकांसाठी आवाहन
अशाच ताज्या आणि विश्वासार्ह बातम्यांसाठी Kattanews.in ला दररोज भेट द्या. बातमी आवडल्यास शेअर करा आणि आपल्या परिसरातील घडामोडी आम्हाला कळवा.
