बुलढाणा | २३ मार्च २०२६
जिल्ह्यात भेसळयुक्त खवा आणि पनीर विक्रीच्या वाढत्या तक्रारींमुळे प्रशासन सतर्क झाले असून भेसळ करणाऱ्यांविरुद्ध कडक कारवाईचे आदेश देण्यात आले आहेत. भेसळयुक्त खवा, बनावट पनीर आणि पाम तेलापासून तयार होणाऱ्या पदार्थांमुळे ग्राहकांची फसवणूक होत असल्याचे समोर आले आहे.
हे बनावट पदार्थ प्रामुख्याने गुजरात राज्यातून १० किलोच्या पॅकेजमध्ये ‘स्पेशल बर्फी’ किंवा ‘हलवा’ या नावाने बाजारात येत असल्याची माहिती प्रशासनाने दिली आहे. नियमांनुसार अशा पदार्थांवर त्यातील घटकांची स्पष्ट माहिती देणे बंधनकारक असतानाही अनेक विक्रेते ही माहिती लपवत असल्याचे समोर आले आहे.
हॉटेल, रेस्टॉरंट आणि मिठाई विक्रेत्यांनी आपल्या मेनू कार्डवर अशा पदार्थांची स्पष्ट नोंद करावी, अन्यथा कारवाई करण्यात येईल, असा इशारा प्रशासनाने दिला आहे.
जिल्हाधिकारी डॉ. किरण पाटील यांनी नागरिकांना आवाहन केले आहे की, अन्नपदार्थ खरेदी करताना लेबल, घटक आणि उत्पादनाचा प्रकार नीट तपासावा. संशयास्पद किंवा भेसळयुक्त पदार्थ आढळल्यास त्वरित तक्रार नोंदवावी.
तक्रारीसाठी हेल्पलाइन: १८००-२२२-३६५
👉 संबंधित बातम्या
- चेक बाउन्स प्रकरणात कडक निकाल! आरोपीला 3 महिन्यांचा सश्रम कारावास; 2.80 लाखांचा दंड
- साखरखेर्डा हादरलं! कर्जबाजारी शेतकऱ्याची गळफास घेऊन आत्महत्या; अतिवृष्टीमुळे पिकांचे नुकसान ठरलं कारण?
- मलकापूर पांगरा येथे भीषण अपघात! धावत्या ट्रॅक्टरवरून तोल जाऊन युवक चाकाखाली; मदत मिळण्याआधीच मृत्यू?
📢 Call To Action
👉 अशाच ताज्या आणि विश्वासार्ह बातम्यांसाठी Kattanews.in ला नियमित भेट द्या.
👉 ही बातमी शेअर करून इतरांनाही सतर्क करा.
