लोणार (बुलढाणा) | १६ मार्च २०२६ : शासकीय कंत्राटदारांची फसवणूक करून बनावट शिक्के आणि खोट्या सह्यांद्वारे सरकारी योजनांचा लाभ घेतल्याचा धक्कादायक प्रकार लोणार येथे उघडकीस आला आहे. या प्रकरणी पोलिसांनी ५ आरोपींना अटक केली असून लाखो रुपयांचा आर्थिक गैरव्यवहार झाल्याची शक्यता व्यक्त करण्यात येत आहे.
पोलीस सूत्रांनी दिलेल्या माहितीनुसार, लोणार पंचायत समिती अंतर्गत शासकीय कंत्राटदार म्हणून कार्यरत असलेल्या सौ. गायत्री तुषार ईवरे यांनी पोलिसांत तक्रार दाखल केली होती. आरोपींनी बनावट शिक्के तयार करून खोट्या सह्या करून शासकीय योजनांचा लाभ घेतल्याचे तपासात समोर आले आहे.
पोलीस निरीक्षक प्रकाश सदगीर यांच्या मार्गदर्शनाखाली पोलीस उपनिरीक्षक धनंजय इंगळे व पोलीस शिपाई दीपक पाटील यांनी आरोपींना अटक केली. या प्रकरणात आरोपी शेख मोहसीन शेख जाकीर, महेंद्र सिद्धार्थ भालेराव, सुरेश ज्ञानबा नागरे, संतोष प्रकाश गायकवाड आणि ओम सुधाकर खोडके यांना ताब्यात घेण्यात आले.
या प्रकरणी भारतीय न्याय संहिता कलम ३१८(४), ३३६(३), ३४०(२), ३(५) अंतर्गत गुन्हा दाखल करण्यात आला असून पुढील तपास सुरू आहे.
📢 आमच्या WhatsApp ग्रुपमध्ये सामील व्हा
दररोजच्या ब्रेकिंग न्यूज, सरकारी योजना, नोकरी अपडेट्स आणि बुलढाणा जिल्ह्यातील ताज्या घडामोडी मिळवण्यासाठी आमच्या WhatsApp ग्रुपमध्ये सामील व्हा.
👉 WhatsApp ग्रुप जॉईन करा
Related News
- मोबाईल हॅक करून महिलेला ब्लॅकमेल; बुलढाण्यात धक्कादायक प्रकार
- समृद्धी महामार्गावरील लोखंडी जाळी चोरीप्रकरणी तिघे जेरबंद
