सुलतानपूर | ८ मार्च २०२६
सुलतानपूर येथे एका बेरोजगार युवकाने गळफास घेऊन आत्महत्या केल्याची धक्कादायक घटना ७ मार्च रोजी सकाळी उघडकीस आली. या घटनेमुळे संपूर्ण गावात हळहळ व्यक्त होत असून परिसरात शोककळा पसरली आहे.
सुलतानपूर येथील वयोवृद्ध भिमराव दळवी (महाराज) यांचा एकुलता एक मुलगा दत्तात्रय भिमराव दळवी (वय २४) याने गावालगत असलेल्या कालव्यावरील झाडाला गळफास घेऊन आत्महत्या केली. ही घटना शनिवारी सकाळी सुमारे १०.३० वाजण्याच्या सुमारास उघडकीस आली.
👉 विशेष जाहिरात | अधिक माहितीसाठी क्लिक करा
दत्तात्रय हा बेरोजगार असून शांत स्वभावाचा युवक म्हणून गावात ओळखला जात होता. धार्मिक वृत्तीचे आई-वडील असलेल्या दळवी कुटुंबावर या घटनेमुळे दुःखाचा डोंगर कोसळला आहे.
वृद्धापकाळात एकुलता एक मुलगा गमावल्याने आई-वडील अक्षरशः पोरके झाले आहेत. विशेष म्हणजे मृतकाच्या जवळच्या नातेवाईकांच्या घरी त्याच दिवशी लग्न समारंभ असल्यामुळे घरात पाहुण्यांची ये-जा आणि लगबग सुरू होती. अशा परिस्थितीत ही घटना समोर आल्याने परिसरात मोठी हळहळ व्यक्त केली जात आहे.
मृतकाच्या पश्चात आई-वडील आणि बहीण असा परिवार आहे. आत्महत्येचे नेमके कारण अद्याप समजू शकले नसून या प्रकरणी मेहकर पोलीस ठाण्यात दिलेल्या माहितीवरून मर्ग दाखल करण्यात आला आहे.
या घटनेचा पुढील तपास हेडकॉन्स्टेबल शिवानंद केदार, राजेश जाधव, कॉन्स्टेबल पांडे आणि सुनिल नागरे करीत आहेत.
Related News
- मेहकर MIDC परिसरात युवकाचा दगडाने ठेचून खून; प्रेमप्रकरणाची जोरदार चर्चा
- दारूड्या भावाच्या मित्राला “घरी जा” म्हटल्याने वाद; लहान भावाने चाकूने भोसकून मोठ्या भावाचा खून
- बीबी येथे दिवसा घरफोडी; आरोपीस अटक
अशाच ताज्या आणि विश्वासार्ह बातम्यांसाठी Kattanews.in ला नियमित भेट द्या.
