रिसोड,वाशिम |२६ जानेवारी २०२६
या घटनेमुळे संपूर्ण चिखली गावात भीतीचे वातावरण पसरले आहे.
प्राप्त माहितीनुसार, भिकाजी पुंड, कैलास घाटोळ, भगवान घाटोळ, पंडित घाटोळ,रवी अंभोरे तसेच ज्ञानेश्वर लाड यांच्या घरांना चोरट्यांनी लक्ष्य केले.
या घरांमधून रोख रक्कम व मौल्यवान सोन्याचे दागिने चोरीस गेले आहेत.
ही घटना रात्रीच्या सुमारास घडल्याचा अंदाज असून,सकाळी शेजाऱ्यांच्या निदर्शनास ही बाब आल्यानंतर घरमालकांना फोनद्वारे माहिती देण्यात आली.त्यामुळे गावात एकच खळबळ उडाली.
घटनेची माहिती मिळताच ग्रामस्थांनी रिसोड पोलीस स्टेशनकडे धाव घेतली.
पोलिसांनी घटनास्थळी भेट देऊन पंचनामा केला असून पुढील तपास सुरू आहे.
या घटनेबाबत रिसोड पोलीस स्टेशनचे ठाणेदार रामेश्वर चव्हाण यांनी सांगितले की,
“रात्री सुमारे १२.३० वाजता ११२ क्रमांकाची पोलीस गाडी गावात पोहोचली होती.
गावकऱ्यांनी चोरांना पाहिल्याचे सांगितले, मात्र तत्काळ पोलिसांना माहिती देण्यात आली नाही.
ही बाब गंभीर असून नागरिकांनी अधिक जागृत राहणे गरजेचे आहे.”
ठाणेदार चव्हाण यांनी पुढे स्पष्ट केले की,
कोणत्याही चोरीच्या घटनेची माहिती विलंब न करता पोलिसांना दिल्यास
तपास अधिक प्रभावीपणे करता येतो.
सलग अनेक घरांवर एकाच रात्री झालेल्या घरफोडीमुळे
चिखली गावात दहशतीचे वातावरण निर्माण झाले आहे.
चोरट्यांचा तातडीने छडा लावावा तसेच
रात्रीची पोलीस गस्त वाढवावी, अशी मागणी ग्रामस्थांकडून होत आहे.
या प्रकरणाच्या तपासासाठी रिसोड पोलीस स्टेशनच्या वतीने
कुत्र्याचा वापर करण्यात आला असून,
ठाणेदार रामेश्वर चव्हाण यांच्या मार्गदर्शनाखाली तपास सुरू आहे.
यावेळी पोलीस ताफ्यासह चिखलीचे पोलीस पाटील मंगेश सरनाईक उपस्थित होते.
📌 नागरिकांसाठी आवाहन
आपल्या परिसरात संशयास्पद हालचाली दिसल्यास
तात्काळ 112 किंवा नजीकच्या पोलीस ठाण्याशी संपर्क साधावा,
असे आवाहन पोलिसांकडून करण्यात आले आहे.
Related News
- बुलढाणा जिल्ह्यात स्प्रिंकलर तोट्या चोरी प्रकरणी मोठी कारवाई! 8 गुन्ह्यांची उकल, दोघे अटकेत – 80 हजारांचा मुद्देमाल जप्त
- “उबाठा गट आता इतिहासजमा!” – महायुतीचाच महापौर बसणार; भाजप प्रवक्ते विनोद वाघ
- देऊळगाव राजात चोरट्यांचा हैदोस! एकाच रात्री तीन मंदिरांत धाडसी चोरी; ५६ हजारांचा ऐवज लंपास, आरोपी CCTVत कैद
📢 अधिक स्थानिक, राजकीय व गुन्हेगारी बातम्यांसाठी Kattanews.in ला भेट द्या.
