लोणार | विनायक कुटे
लोणार तालुक्यातील शारा आणि येवती ग्रामपंचायतींच्या पोटनिवडणुकीत शिवसेना (शिंदे गट) समर्थित उमेदवारांनी दणदणीत विजय मिळवत दोन्ही ठिकाणी भगवा फडकवला आहे. या निकालामुळे तालुक्यातील राजकीय समीकरणांमध्ये मोठा बदल झाल्याचे दिसून येत असून शिवसेनेचे वर्चस्व अधिक मजबूत झाल्याची चर्चा सुरू झाली आहे.
दरम्यान, शिवसेना जिल्हाप्रमुख प्रा. बळीराम मापारी यांच्या हस्ते कृषी उत्पन्न बाजार समिती येथे नवनिर्वाचित सरपंचांचा शाल, श्रीफळ व पुष्पगुच्छ देऊन सत्कार करण्यात आला. या कार्यक्रमाला उपसभापती कारभारी सानप, संचालक मोतीराम डव्हले यांच्यासह अनेक पदाधिकारी, कार्यकर्ते आणि नागरिक मोठ्या संख्येने उपस्थित होते.
कार्यक्रमात विजयी उमेदवारांनी मतदारांचे आभार मानत गावाच्या सर्वांगीण विकासासाठी कटिबद्ध राहण्याची ग्वाही दिली. पाणी, रस्ते, स्वच्छता आणि मूलभूत सुविधा यावर प्राधान्याने काम करण्याचे आश्वासन त्यांनी दिले.
या निकालामुळे लोणार तालुक्यातील आगामी राजकीय घडामोडींवर परिणाम होण्याची शक्यता व्यक्त केली जात आहे.
👉 तुमचे मत काय?
या निकालामुळे लोणार तालुक्यातील राजकारणात मोठा बदल होईल का? तुमचे मत आम्हाला कमेंटमध्ये नक्की कळवा.
📲 Kattanews.in ला Follow करा
अशाच ताज्या आणि विश्वासार्ह स्थानिक बातम्यांसाठी आमच्या वेबसाईटला नियमित भेट द्या.
🔗 Related News
