कार्यालयात केक कापला तर थेट कारवाई! सरकारी कर्मचाऱ्यांसाठी कडक परिपत्रक जारी.

अलीकडे अनेक सरकारी कार्यालयांमध्ये वाढदिवस, केक कापणे, फुगे, सेलिब्रेशन असे प्रकार सर्रास सुरू असल्याचे निदर्शनास आले होते. याची गंभीर दखल घेत शासनाने सर्व अधिकारी व कर्मचाऱ्यांना इशारा दिला आहे.

👉 विशेष जाहिरात | अधिक माहितीसाठी क्लिक करा

परिपत्रकानुसार, शासकीय कार्यालयात वैयक्तिक समारंभ साजरे करणे हे नियमबाह्य आहे. कार्यालयीन वेळेत वाढदिवस, सत्कार, केक कापणे किंवा इतर खासगी कार्यक्रम केल्यास संबंधित कर्मचाऱ्यावर शिस्तभंगाची कारवाई करण्यात येणार आहे.

महाराष्ट्र नागरी सेवा (वर्तणूक) नियम १९७९ नुसार सरकारी कर्मचारी यांनी कार्यालयीन वेळेत पूर्णपणे शासकीय कामकाजावर लक्ष केंद्रित करणे अपेक्षित आहे. अशा प्रकारचे सेलिब्रेशन केल्यास नोटीस, चौकशी, दंड किंवा निलंबन अशीही कारवाई होऊ शकते.

या परिपत्रकामुळे अतिउत्साही कर्मचाऱ्यांना मोठा दणका बसला असून, शासकीय कार्यालयांमध्ये शिस्त पाळण्याचे निर्देश पुन्हा एकदा ठळक करण्यात आले आहेत.