अंढेरा |२६ मार्च २०२६
अंढेरा पोलीस स्टेशन अंतर्गत मेरा खुर्द येथे वांग्याच्या पिकात अफूची लागवड केल्याचा धक्कादायक प्रकार समोर आला आहे. वांग्याच्या शेतात अफूची शेती करून अवैध धंदा सुरू असल्याची माहिती मिळताच पोलिसांनी तातडीने कारवाई करत मोठा पर्दाफाश केला. या कारवाईत पोलिसांनी वांग्याच्या पिकात लपवलेली अफू जप्त करत तब्बल ९ लाख १८ हजार ३२० रुपयांचा मुद्देमाल हस्तगत केला आहे. या प्रकरणी एका आरोपीला अटक करण्यात आली असून परिसरात मोठी खळबळ उडाली आहे.
पंचांसमक्ष शेतातील झाडे उपटून जप्त करण्यात आली. एकूण ११.४७९ किलो वजनाच्या अफूच्या झाडांचा (मुळांसह, पाने व बोंडे) मुद्देमाल पोलिसांनी ताब्यात घेतला. ही कारवाई २४ मार्च रात्री ११:३९ ते २५ मार्च पहाटे ४:४५ दरम्यान पार पडली.
या कारवाईदरम्यान उपविभागीय पोलिस अधिकारी मनीषा कदम यांनी घटनास्थळी भेट देऊन पाहणी केली. या घटनेमुळे परिसरात मोठी चर्चा सुरू झाली असून पोलिसांकडून पुढील तपास सुरू आहे.
👉 तुमच्या परिसरातील ताज्या बातम्या सर्वात आधी वाचा!
Kattanews.in ला नियमित भेट द्या आणि WhatsApp ग्रुप जॉइन करा.
🔗 संबंधित बातम्या
