सामान्य शेतकरी ते जनतेचा आवाज! नागेशभाऊ गंगावणे बनले प्रेरणास्थान

नागेशभाऊ गंगावणे यांनी छोटेखानी नाश्ता सेंटर सुरू केलं, पण ते फक्त व्यवसाय नव्हतं. त्यांच्या या सेंटरवर लहान मुलांना मोफत नाश्ता दिला जातो, आणि गरजू, दिव्यांग किंवा गरीब व्यक्तीकडून पैसे घेतले जात नाहीत. त्यांच्या या संवेदनशील कृतीमुळे लोकांच्या हृदयात त्यांच्याबद्दल आदर वाढला आहे.

हे पण वाचा.

रिसोड तालुक्यात बूथ वाढ! जिल्हा परिषद, पंचायत समिती निवडणुकीत १६ नवीन मतदान केंद्रांची निर्मिती.

२०१८ पासून कोणत्याही पदावर नसताना त्यांनी शेतकऱ्यांचे प्रश्न थेट सरकारसमोर मांडले. इंस्टाग्राम, फेसबुक आणि युट्यूबच्या माध्यमातून त्यांनी शेतकरी आणि बेरोजगार युवकांचे मुद्दे समाजापर्यंत पोहोचवले. मोर्चे, आंदोलने आणि जनआंदोलनांद्वारे त्यांनी नेहमी लोकांसाठी लढा दिला आहे.

त्यांचा स्वभाव साधा, जमिनीवरचा आणि प्रामाणिक आहे. गावोगावी जाऊन लोकांचे प्रश्न ऐकणं, प्रशासनासमोर ठामपणे मांडणं आणि गरजूंना मदत करणं हे त्यांचं रोजचं काम आहे. लोक म्हणतात — “सत्तेत नसताना एवढं काम करणारा माणूस, सत्तेत आल्यावर विकासाची नवी उंची गाठेल.”

आता नागेशभाऊ गंगावणे आगामी जिल्हा परिषद निवडणुकीत उमेदवारी देण्याच्या तयारीत आहेत. त्यांना मिळत असलेला लोकांचा पाठिंबा आणि विश्वास पाहता ते वाशिम जिल्ह्याचे नवे प्रेरणास्थान ठरत आहेत. त्यांनी सिद्ध केलं आहे की लोकसेवा ही पदासाठी नव्हे तर मनासाठी करायची असते.

त्यांच्या मनमोकळ्या स्वभावामुळे, गरीबांविषयीच्या संवेदनशीलतेमुळे आणि सतत समाजासाठी लढण्याच्या वृत्तीमुळे नागेशभाऊ गंगावणे आज वाशिमचा खरा जनतेचा आवाज बनले आहेत.