मलकापूर | १० मार्च २०२६
शहरातील ज्ञानेश्वर नगर परिसरात ४० वर्षीय इसमाने आपल्या राहत्या घरात गळफास घेऊन आत्महत्या केल्याची धक्कादायक घटना ९ मार्च रोजी सकाळी सुमारे ७ वाजण्याच्या सुमारास उघडकीस आली. या घटनेमुळे परिसरात मोठी खळबळ उडाली असून कुटुंबीयांवर दुःखाचा डोंगर कोसळला आहे.
मृतकाचे नाव वीरेंद्र रमेश कासे (वय ४० वर्षे, रा. ज्ञानेश्वर नगर, मलकापूर) असे आहे. मिळालेल्या माहितीनुसार त्यांनी आपल्या राहत्या घरी गळफास घेतला. ही घटना लक्षात आल्यानंतर त्यांचे भाऊ विक्रम कासे यांनी त्यांना उपचारासाठी तातडीने आयुष्यमान हॉस्पिटलमध्ये दाखल केले.
मात्र, हॉस्पिटलमध्ये तपासणी केल्यानंतर डॉक्टरांनी त्यांना मृत घोषित केले. याबाबत आयुष्यमान हॉस्पिटलतर्फे कक्षसेवक अविनाश येरळीकर यांनी मलकापूर शहर पोलीस ठाण्यात मेमो दिला आहे.
या मेमोच्या आधारे मलकापूर शहर पोलिसांनी बीएनएस कलम १९४ अन्वये कायमी क्रमांक ०९/२०२५ असा मर्ग दाखल केला आहे. या प्रकरणाचा पुढील तपास पोलीस उपनिरीक्षक सुरेश रोकडे करीत आहेत.
दरम्यान, या घटनेमुळे ज्ञानेश्वर नगर परिसरात हळहळ व्यक्त होत असून नागरिकांमध्ये शोककळा पसरली आहे.
Related News
- “सापाला जीवदान देताना सर्पमित्राचा मृत्यू!” खामगावमध्ये मण्यारच्या दंशाने 33 वर्षीय युवकाचा अंत
- मेहकरमध्ये धक्कादायक घटना! बुलढाणा मुख्यालयातील पोलिस नाईकाने विहिरीत उडी मारून केली आत्महत्या; कारण अद्याप गूढ
- धक्कादायक! शिक्षिका पत्नीचा अपघात नसून सुपारी देऊन खून; पतीसह दोघे अटकेत
हे आवश्यक करा..
अशाच ताज्या आणि विश्वासार्ह स्थानिक बातम्यांसाठी Kattanews.in ला नियमित भेट द्या. आपल्या परिसरातील महत्वाच्या बातम्या आम्हाला पाठवण्यासाठी आमच्याशी संपर्क साधा.
