साखरखेर्डा / सिंदखेड राजा |१४ फेब्रुवारी २०२६
गोरेगाव येथे छत्रपती शिवाजी महाराज राजस्व अभियान शिबिर 2026 मोठ्या उत्साहात पार पडले असून नागरिकांना शासकीय सेवांचा थेट लाभ मिळाला. सिंदखेड राजा राजस्व मंडळ अंतर्गत आयोजित या शिबिरात रेशन कार्ड वितरण, वारस नोंदी, नॉन क्रिमिलियर प्रमाणपत्र, उत्पन्न दाखले तसेच निराधार अनुदानाशी संबंधित कामे जागेवरच पूर्ण करण्यात आली.
माननीय जिल्हाधिकारी किरण पाटील यांच्या सूचनेनुसार तसेच उपविभागीय अधिकारी संजय खडसे आणि तहसीलदार अजित दिवटे यांच्या मार्गदर्शनाखाली शुक्रवार दि. 13 फेब्रुवारी रोजी हे शिबिर पार पडले. अध्यक्षस्थानी एस. एस. साळवे (मंडळ अधिकारी, शेंदुर्जन) होते.
प्रमुख उपस्थितीत वसुदेव उत्तमराव पांचाळ (सेवानिवृत्त शिक्षक), बाबुरावजी मोरे (माजी समाज कल्याण सभापती), मोहन गायकी (माजी सरपंच उमनगाव), खुशालराव पंचाळ (उपसरपंच), जयदीप पांचाळ (सामाजिक कार्यकर्ते), रतन तुपकर (स्वस्त धान्य दुकानदार) तसेच ग्रामपंचायत सदस्य, शालेय व्यवस्थापन समिती, अंगणवाडी सेविका आणि महसूल मंडळ अधिकारी आनंद राजपूत, ग्राम महसूल अधिकारी शिवानंद वाकतकर, दांडगे, विशाल अवचार यांच्यासह कर्मचारी मोठ्या संख्येने उपस्थित होते.
या अभियानामुळे दीर्घकाळ प्रलंबित महसूल व सामाजिक योजनांची कामे मार्गी लागली. विशेष म्हणजे लाभार्थ्यांना तालुका कार्यालयाच्या चकरा माराव्या लागल्या नाहीत. गावातच प्रमाणपत्रे व शासकीय लाभ मिळाल्याने ग्रामस्थांमध्ये समाधानाचे वातावरण निर्माण झाले.
कार्यक्रमाच्या यशस्वी आयोजनासाठी ग्रामपंचायत कर्मचारी सचिन पांचाळ व संदीप पांचाळ यांनी विशेष सहकार्य केले.
📌 Related News
📢 Kattanews.in वर वाचा ताज्या आणि विश्वासार्ह बातम्या
स्थानिक, राजकीय, महसूल, गुन्हेगारी आणि सामाजिक घडामोडींच्या अपडेटसाठी Kattanews.in ला नियमित भेट द्या.
