मेहकर कट्टा न्यूज|प्रतिनिधी
डोणगावात धक्कादायक घरफोडी उघडकीस आली असून ट्रिपला गेलेल्या डॉक्टरांच्या बंद घरावर चोरट्यांनी डल्ला मारत साडेदहा तोळे सोने आणि चांदीचा मोठा ऐवज लंपास केल्याची घटना समोर आली आहे. या मोठ्या चोरीच्या घटनेमुळे परिसरात भीतीचे वातावरण पसरले असून नागरिकांमध्ये चिंतेचे वातावरण आहे. काही दिवस घर बंद असल्याचा फायदा घेत चोरट्यांनी नियोजनबद्ध पद्धतीने ही चोरी केल्याचा संशय व्यक्त केला जात आहे.
मिळालेल्या माहितीनुसार, डॉ. गजानन पातुरकर हे ९ एप्रिल रोजी कुटुंबासह बाहेरगावी गेले होते. याच दरम्यान अज्ञात चोरट्यांनी त्यांच्या घराचे कुलूप तोडून आत प्रवेश केला. घरातील बेडरूममधील कपाट फोडून सोन्याच्या अंगठ्या, झुमके, नथ, गंठण तसेच चांदीच्या वस्तू चोरून नेण्यात आल्या.
👉 विशेष जाहिरात | अधिक माहितीसाठी क्लिक करा
या प्रकरणी पोलिसांनी सुमारे १ लाख ७३ हजार रुपयांच्या मुद्देमालाची चोरी झाल्याची नोंद केली आहे. मात्र, प्रत्यक्षात चोरीला गेलेल्या सोन्या-चांदीची किंमत यापेक्षा कितीतरी अधिक असल्याचे संबंधितांनी सांगितले आहे. जुन्या पावत्यांनुसारच किंमत नोंदवल्यामुळे तफावत निर्माण झाली आहे.
डोणगाव परिसरात यापूर्वीही अशा प्रकारच्या चोरीच्या घटना घडल्या असून अनेक प्रकरणांचा अद्याप तपास लागलेला नाही. त्यामुळे नागरिकांमध्ये असुरक्षिततेची भावना वाढत आहे. पोलिसांकडून या प्रकरणाचा तपास सुरू असून चोरट्यांचा शोध घेण्याचे काम सुरू आहे.
👉 अशाच ताज्या आणि विश्वासार्ह बातम्यांसाठी kattanews.in ला रोज भेट द्या. ही बातमी शेअर करून इतरांपर्यंत जरूर पोहोचवा.
📢 हे पण वाचा..
