Suicide आई-बाबा, मला माफ करा. माझ्या अशा अकाली मृत्यूने तुम्हाला त्रास होईल. तुमची समाजात बदनामी होईल. मी शारीरिकदृष्ट्या सक्षम असले तरी मानसिकदृष्ट्या खूप हतबल झाले आहे, असे मृत्यूपूर्व चिठ्ठीत नमूद करीत भावी डॉक्टर (doctor girl) युवतीने राहत्या खोलीत लोखंडी कडीला गळफास घेऊन आत्महत्या केली. ही घटना शुक्रवारी रात्री ८:०५ वाजता गुरुदेवनगर येथे घडली.संस्कृती महेंद्र वानखडे (२३, रा. महागाव ऊटी, जि. यवतमाळ) sanskruti Mahendra Wankhede असे मृताचे नाव आहे. ती गणेश विहारमध्ये नितीन गुडधे यांच्याकडे भाड्याच्या खोलीत राहत होती आणि श्रीगुरुदेव आयुर्वेद महाविद्यालयात अंतिम टप्प्यात इंटर्नशिप करीत होती.
दोन महिन्यांनंतर तिच्या हातात पदवी पडणार होती. शुक्रवारीसुद्धा रात्रपाळीत रुग्णालयात तिची ड्यूटी होती. परंतु, नियोजित वेळ होऊनही ती कर्तव्यावर पोहोचली नाही. यामुळे सहकारी मैत्रिणींनी तिच्याशी फोनवर संवाद साधण्याचा प्रयत्न केला. परंतु, प्रतिसाद न मिळाल्याने तिला बोलावण्यासाठी त्या थेट खोलीवर गेल्या. यावेळी संस्कृती गळफास घेतलेल्या अवस्थेत निदर्शनास आली. माणसाच्या जीवनात आत्महत्येचे विचार काही क्षणापर्यंतच घोंघावत असतात व क्षणातच ते विचार निघूनही जातात. परंतु, मी या विचारात खूप रमले आहे. त्यामुळे या विचारात रममाण होऊन मी अनंतात विलीन होणार आहे व माझ्या मृत्यूला मीच जबाबदार आहे, असेदेखील संस्कृतीने चिठ्ठीत लिहून ठेवले.
