बुलढाणा प्रतिनिधी/भागवत गायकवाड :
बुलढाणा शहरातील पाडळी रोडवर झालेल्या भीषण अपघातात बुलढाणा परिसरातील 27 वर्षीय युवकाचा जागीच मृत्यू झाला आहे. या अपघातात अज्ञात वाहनाने दिलेल्या जोरदार धडकेमुळे गणेश अशोक शेजोळ (वय 27) रा. पाडळी, बुलढाणा यांचा मृत्यू झाला.
अपघातानंतर वाहनचालक पळून गेल्याने बुलढाणा ग्रामीण पोलिसांनी शोध मोहिम सुरू केली आहे.मिळालेल्या माहितीनुसार, गणेश शेजोळ हे रात्रीच्या सुमारास पाडळी रोडवरून जात असताना अज्ञात वाहनाने त्यांना जोरदार धडक दिली.
👉 विशेष जाहिरात | अधिक माहितीसाठी क्लिक करा
या धडकेत त्यांच्या डोक्याला गंभीर दुखापत झाली तसेच घटनास्थळीच मोठ्या प्रमाणात रक्तस्त्राव झाला. तात्काळ त्यांना गावातील नागरिकांच्या मदतीने बुलढाणा येथील रुग्णालयात दाखल करण्यात आले, मात्र डॉक्टरांनी तपासणीदरम्यान त्यांना मयत घोषित केले.
या प्रकरणात धनंजय भास्कर शेजोळ (वय 21, रा. पाडळी) यांनी बुलढाणा ग्रामीण पोलीस ठाण्यात तक्रार दाखल केली आहे. अपघात करणारा वाहनचालक हा निष्काळजीपणे वाहन चालवत होता व अपघातानंतर घटनास्थळावरून फरार झाला. पोलिसांनी अज्ञात वाहनाविरुद्ध गुन्हा नोंदवून तपास सुरु केला आहे.
हे पण वाचा.
देऊळगाव राजा जवळ भीषण अपघात; कार पुलावर आदळत चुराडा! एक जागीच ठार, तिघे गंभीर जखमी
बुलढाणा ग्रामीण पोलिसांकडून घटनास्थळ परिसरातील सीसीटीव्ही फुटेज तपासले जात असून वाहनचालकाचा शोध लागण्याची शक्यता वाढली आहे. या घटनेने पाडळी परिसरात हळहळ व्यक्त केली जात आहे.
👉 अशाच स्थानिक अपडेट्ससाठी Kattanews.in ला Follow करा.
