अंढेरात जळालेली दुचाकी बेवारस आढळली! बनावट नंबर प्लेट लावून गुन्हा लपवण्याचा संशय

१० जानेवारी रोजी दुपारी सुमारे २ वाजण्याच्या सुमारास जंगलातील खडकाळ भागात जळालेली दुचाकी पडलेली असल्याची माहिती स्थानिक नागरिकांनी अंढेरा पोलिसांना दिली. माहिती मिळताच पोलीस पथक घटनास्थळी दाखल झाले.

👉 विशेष जाहिरात | अधिक माहितीसाठी क्लिक करा

पाहणीदरम्यान दुचाकीचा बहुतांश भाग पूर्णतः जळालेला आढळून आला. विशेष म्हणजे वाहनाची नंबर प्लेट तुकड्या-तुकड्यांत विखुरलेली होती. त्यामुळे सदर दुचाकी मुद्दाम पेटवून पुरावे नष्ट करण्याचा प्रयत्न करण्यात आल्याचा संशय अधिक बळावला आहे.

तपासाअंती दुचाकीचा मूळ क्रमांक MH 28 AG 4962 असा निष्पन्न झाला आहे. ही दुचाकी हिरो मोटोकॉर्प कंपनीची पॅशन प्रो असून २०१३ साली निर्मित करण्यात आलेली आहे. दुचाकीचा नोंदणीकृत मालक रमेश तुकाराम नागरे (रा. शेंदूरजन, ता. सिंदखेड राजा, जि. बुलढाणा) असा आहे.

सदर वाहनाचा विमा २८ ऑक्टोबर २०१४ पर्यंत वैध होता. वाहन चोरी, गंभीर गुन्हा किंवा अन्य बेकायदेशीर प्रकाराशी या दुचाकीचा संबंध आहे का, याचा सखोल तपास अंढेरा पोलीस करीत आहेत.

हे पण वाचा..

मस्टरच्या पैशांसाठी तक्रार करणाऱ्या शेतकऱ्याला कृषी अधिकाऱ्याची मारहाण; व्हिडीओ व्हायरल

जंगल परिसरात यापूर्वीही अशा स्वरूपाच्या घटना घडल्या असल्याने नागरिकांमध्ये भीतीचे वातावरण निर्माण झाले आहे. पोलीस सर्व बाजूंनी तपास करत असून लवकरच या प्रकरणाचा उलगडा होईल, अशी माहिती सूत्रांनी दिली.