सिंदखेडराजा | शुक्रवार, ११ जानेवारी २०२६
या कार्यक्रमात बोलताना माजी आरोग्य मंत्री डॉ. राजेंद्र शिंगणे यांनी सांगितले की,
आजचे विद्यार्थी हेच उद्याचा भारत घडवणारी पिढी असून त्यांचे शारीरिक व मानसिक आरोग्य सक्षम ठेवणे ही समाजाची जबाबदारी आहे.”लहान मुलांचे जग निर्मळ असते. आजच्या डिजिटल युगात मुले तंत्रज्ञानाशी लवकर जोडली जात असली तरी
त्यांना खेळाच्या मैदानात उतरवणे अत्यंत आवश्यक आहे. पुस्तकांचे ओझे कमी करून
क्रिकेट, फुटबॉल, व्हॉलीबॉल, टेनिस यांसारख्या खेळांकडे मुलांना वळवले पाहिजे,”
असे प्रतिपादन डॉ. शिंगणे यांनी अध्यक्षस्थानावरून केले.संस्कार विद्या मंदिर शाळेच्या या स्नेहसंमेलनाची सुरुवात राष्ट्रमाता जिजाऊ,
क्रांतीज्योती सावित्रीबाई फुले आणि छत्रपती शिवाजी महाराज यांच्या प्रतिमेच्या पूजनाने करण्यात आली.
यावेळी शाळेतील गुणवंत विद्यार्थ्यांना माजी आरोग्य मंत्री डॉ. राजेंद्र शिंगणे यांच्या हस्ते
मेडल व प्रमाणपत्र देऊन सन्मानित करण्यात आले. उपस्थित मान्यवरांचा शाल व श्रीफळ देऊन यथोचित सत्कार करण्यात आला.
या कार्यक्रमास राजकीय व सामाजिक क्षेत्रातील अनेक मान्यवर उपस्थित होते.
यामध्ये दिनकरराव देशमुख (माजी जिल्हा परिषद सभापती), नितीनदादा शिंगणे,
सुधाकरराव शिंगणे (पं.स. सभापती), खुशालराव शिंगणे, बद्रीभाऊ वाघ,
मदनराव कायंदे (माजी सरपंच), ह.भ.प. दामू अण्णा शिंगणे,
दिलीप नागरे (केंद्रप्रमुख), नंदकिशोर शिंगणे,
सिताराम नागरे (माजी सैनिक), डॉ. सतीश जायभाये (सरपंच जागदरी)
यांच्यासह पालक व ग्रामस्थ मोठ्या संख्येने उपस्थित होते.
कार्यक्रमाचे प्रास्ताविक केंद्रप्रमुख दिलीप नागरे यांनी केले.
सूत्रसंचालन नागरे व शिंगणे मॅडम यांनी प्रभावीपणे केले.
शाळेच्या नागरे मॅडम, शिंगणे मॅडम, पूजा मॅडम आणि वायाळ मॅडम
यांनी कार्यक्रम यशस्वी करण्यासाठी विशेष परिश्रम घेतले.
हे पण वाचा..
चिखली-खामगाव रोडवर कार उलटली, १७ वर्षीय विद्यार्थ्याचा अपघाती मृत्यू.
शेवटी उपस्थित पाहुणे, पालक व ग्रामस्थांचे आभार केंद्रप्रमुख दिलीप नागरे यांनी मानले
आणि कार्यक्रमाची सांगता करण्यात आली.
👉 तुमच्या गावातील बातमी Katta News वर प्रसिद्ध करा
तुमच्या परिसरातील शैक्षणिक, सामाजिक, राजकीय किंवा क्राईम बातमी आम्हाला पाठवा.
WhatsApp : 9561475736
संबंधित बातम्या
