प्रवीण गरुडे/प्रतिनिधी
अल्पवयीन विद्यार्थिनीवर अत्याचार हा मलकापूर शहराला हादरवून टाकणारा गंभीर प्रकार समोर आला आहे.
नोट्स देतो, प्रॅक्टिकल मार्क वाढवून देतो अशा बहाण्याने एका मुलीला सापळ्यात अडकवून अल्पवयीन विद्यार्थिनीवर अत्याचार केल्याचा आरोप करण्यात आला आहे.
या घटनेने स्थानिक पातळीवर रोष उसळला असून अल्पवयीन विद्यार्थिनीवर अत्याचार हा प्रकार समाजमनाला वेदना देणारा ठरला आहे.शिक्षक या नावात मार्गदर्शन, संस्कार आणि सुरक्षिततेची भावना असते.
परंतु मलकापूरातील या संतापजनक प्रकरणाने शिक्षक–विद्यार्थी या पवित्र नात्यावर मोठे प्रश्नचिन्ह निर्माण केले आहे.
स्क्रीन रेकॉर्डिंग व्हायरल करण्याची धमकी देत विद्यार्थिनीला गप्प बसवण्याचा प्रयत्न आरोपीने केल्याची माहिती मिळाली आहे.तरोडा (ता. मोताळा) येथील आरोपी मुकेश परमसिंग रबडे (वय ४०) याने ओळखीचा गैरवापर करून २८ ऑक्टोबर २०२५ रोजी पीडितेला तहसील चौकात बोलावले.
‘नोट्स देतो, प्रॅक्टिकल मार्क वाढवून देतो’ या बहाण्याने तिला पंचमुखी परिसरातील खोलीत नेण्यात आले.
त्यानंतर पीडितेच्या मैत्रिणीला व्हिडिओ कॉल करून “स्क्रीन रेकॉर्डिंग कर” असा आदेश देण्यात आल्याचे प्राथमिक तपासात उघड झाले.दुसऱ्या दिवशी तिला सोडताना “ही बाब कुणाला सांगितली तर व्हिडिओ व्हायरल करीन” अशी धमकीही देण्यात आली.
भीती, दडपण आणि लज्जेमुळे मुलीने हा प्रकार मनात दडवून ठेवला.
मात्र काही दिवसांपूर्वी तिच्याच मैत्रिणीने स्क्रीन रेकॉर्डिंग व्हायरल केल्यानंतर संपूर्ण घटना प्रकाशात आली.कुटुंबीयांनी तातडीने पोलिसात तक्रार दाखल केली.
पोलिसांनी बीएनएस कलम ६४(२)(एफ), ६४(२)(एम), ११५(२), ३५१(२), ३(५), पोक्सो कायदा कलम ४ व ६ तसेच आयटी अधिनियम ६७ अंतर्गत गुन्हा नोंदवला आहे.
पुढील तपास पोनि गणेश गिरी यांच्या मार्गदर्शनाखाली मलकापूर पोलीस करीत आहेत.या घटनेनंतर पालकांमध्ये असुरक्षिततेची भावना निर्माण झाली असून शिक्षण क्षेत्रातील अशा विकृत प्रवृत्तीवर कठोर कारवाईची मागणी होत आहे.
📢 महत्वाची सूचना
आपल्या परिसरातील ताज्या व विश्वासार्ह बातम्यांसाठी दररोज KattaNews.in ला भेट द्या.
