सातारा जिल्ह्यातील फलटण उपजिल्हा रुग्णालयात कार्यरत असलेल्या एका महिला डॉक्टरन आत्महत्या केल्याची धक्कादायक घटना उघड झाली आहे.मृत डॉक्टरच्या हातावर सापडलेल्या सुसाईड नोटमध्ये बलात्कार आणि मानसिक त्रासाचे आरोप केल्याने संपूर्ण राज्यात संतापाची लाट उसळली आहे.—
🧾 हातावर सुसाईड नोट, पोलीस निरीक्षकावर गंभीर आरोप
डॉक्टरच्या हातावर सापडलेल्या सुसाईड नोटमध्ये तिने पोलीस निरीक्षक गोपाल बदने यांच्यावर चार वेळा बलात्कार केल्याचा आरोप केला आहे.याचबरोबर पोलीस कर्मचारी प्रशांत बनकर यांनी सतत मानसिक त्रास दिल्याचंही तिनं नमूद केलं आहे.या खुलास्यानंतर फलटण आणि सातारा जिल्ह्यात खळबळ माजली आहे.—
⚖️ पोस्टमार्टम रिपोर्ट बदलण्यासाठी दबाव –
कुटुंबीयांचा आरोपमृत डॉक्टरच्या कुटुंबीयांनी सांगितलं की, “तिला पोस्टमार्टम रिपोर्ट बदलण्यासाठी दबाव आणला जात होता.ती वारंवार म्हणायची – जर दबाव वाढला तर मी आत्महत्या करीन.”तिच्या या विधानांनंतर आज ती आत्महत्येचा मार्ग पत्करल्याने प्रशासनावर गंभीर प्रश्न उपस्थित झाले आहेत.—
🗣️ गृह राज्यमंत्र्यांची प्रतिक्रिया –
दोषींवर कठोर कारवाई होणारया घटनेवर गृहराज्यमंत्री पंकज भोयर यांनी प्रतिक्रिया देत म्हटलं की,> “ही घटना निंदनीय आहे. जे कोणी दोषी असतील, ते कोणत्याही पदावर असोत, त्यांच्यावर कठोरातली कठोर कारवाई केली जाईल.”साताऱ्याचे पोलीस अधीक्षक यांना चौकशीचे आदेश देण्यात आले असून,गुन्हा दाखल करण्याच्या सूचना देण्यात आल्या आहेत.
🔍 तपास सुरू; राज्यभरात संताप
या प्रकरणाची चौकशी सुरू असून सुसाईड नोटमधील माहितीची पडताळणी केली जात आहे.महिला डॉक्टरच्या आत्महत्येनंतर सोशल मीडियावर लोकांमध्ये प्रचंड संताप उसळला आहे.या घटनेनं पुन्हा एकदा महिला कर्मचाऱ्यांच्या सुरक्षेचा प्रश्न आणि आरोग्य विभागातील दबावाचं वातावरण समोर आणलं आहे.
