वाशिम जिल्हा प्रतिनिधी नारायणराव आरू पाटील
washim : दि. २५ ऑक्टो. रोजी वाशिम येथे ‘महाविकास आघाडीच्या’ संयुक्त बैठकीचे आयोजन करण्यात आले होते, ज्यामध्ये शिवसेना उद्धव बाळासाहेब ठाकरे पक्षाचे अधिकृत उमेदवार डॉ.सिद्धार्थ देवळे यांच्या समर्थनार्थ महाविकास आघाडीचे सर्व प्रमुख नेते व कार्यकर्ते एकत्र आले. या बैठकीत आगामी निवडणुकीसाठी रणनीती ठरवण्यात आली आणि डॉ.सिद्धार्थ देवळे यांना भरघोस मतांनी निवडून आणण्याचा निर्धार व्यक्त करण्यात आला.बैठकीमध्ये आघाडीतील शिवसेना, काँग्रेस आणि राष्ट्रवादी काँग्रेसचे नेते, पदाधिकारी आणि असंख्य कार्यकर्त्यांनी उपस्थिती लावली होती.
यावेळी एकजुटीचा संदेश देत, सर्वांनी एकमुखाने डॉ.सिद्धार्थ देवळे यांचा प्रचार आणि समर्थनासाठी तयारी केली. या बैठकीत एकमुखाने ठरविण्यात आले की, वाशिम येथील मतदारांनी महाविकास आघाडीच्या उमेदवाराला विजयाच्या शिखरावर पोहोचवून भगवा फडकवायचा आहे. शहरात आणि ग्रामीण भागात डॉ. देवळे जी यांच्या कामाची महती पोहोचवण्यासाठी आणि त्यांच्या पाठीशी खंबीरपणे उभे राहण्यासाठी उपस्थितांनी निर्धार केला. महाविकास आघाडीतील सर्व घटकांनी एकजुटीने लढण्याचे आणि मतदारांपर्यंत पोहोचून डॉ.श्री.सिद्धार्थ देवळे यांना विजयी करण्याचे आवाहन केले. यावेळेस उमेदवारांच्या प्रचाराची दिशा, कार्यक्रम, आणि निवडणुकीतील महत्त्वाच्या मुद्यांवर चर्चा करण्यात आली.
