आमदार सिद्धार्थ खरात यांच्या वाढदिवसानिमित्त मेहकर शहरात ‘मी धावतो मेहकरसाठी’ या संकल्पनेतून ‘आमदार मॅरेथॉन २०२६’चे आयोजन करण्यात आले आहे. शिवसेना, युवासेना मेहकर आणि क्रीडाप्रेमींच्या वतीने रविवार, १६ ऑगस्ट २०२६ रोजी सकाळी ६ वाजता जानेफळ चौक, मेहकर येथे या मॅरेथॉन स्पर्धेचे आयोजन करण्यात आले आहे.
आरोग्यदायी जीवनशैलीचा संदेश देण्यासोबतच युवक-युवतींमध्ये क्रीडाविषयक आवड निर्माण करणे आणि शहरातील क्रीडाप्रेमींना एकत्र आणणे हा या उपक्रमाचा उद्देश आहे. स्पर्धेत ५ किलोमीटर आणि १० किलोमीटर अशा दोन गटांत मुला-मुलींसाठी स्वतंत्र स्पर्धा आयोजित करण्यात आली आहे.
या स्पर्धेतील विजेत्या धावपटूंना आकर्षक पारितोषिकांसह चषक देण्यात येणार आहेत. प्रथम क्रमांकासाठी १,१११ रुपये, द्वितीय क्रमांकासाठी ७७७ रुपये आणि तृतीय क्रमांकासाठी ५५५ रुपये अशी पारितोषिके ठेवण्यात आली आहेत. याशिवाय स्पर्धा पूर्ण करणाऱ्या सर्व धावपटूंना सहभागी मेडल देण्यात येणार आहे.
स्पर्धेत सहभागी होणाऱ्या सर्व स्पर्धकांसाठी टी-शर्ट आणि अल्पोपहाराची सुविधा उपलब्ध करून देण्यात येणार आहे. त्यामुळे मेहकर शहरासह परिसरातील धावपटू, युवक-युवती, व्यावसायिक आणि क्रीडाप्रेमी नागरिकांनी या मॅरेथॉनमध्ये मोठ्या संख्येने सहभागी व्हावे, असे आवाहन आयोजकांकडून करण्यात आले आहे.
‘मी धावतो मेहकरसाठी’ या संकल्पनेतून आयोजित होणाऱ्या या मॅरेथॉनमुळे शहरात आरोग्य, फिटनेस आणि क्रीडा संस्कृतीला प्रोत्साहन मिळण्याची अपेक्षा व्यक्त केली जात आहे. स्पर्धेतील सहभाग, नोंदणी आणि अधिक माहितीसाठी आयोजकांशी संपर्क साधावा, असे आवाहन शिवसेना, युवासेना मेहकर आणि क्रीडाप्रेमी मेहकर यांच्या वतीने करण्यात आले आहे.
📲 मेहकर आणि बुलढाणा जिल्ह्यातील ताज्या बातम्यांसाठी WhatsApp ग्रुपमध्ये सामील व्हा
